જામનગર શહેર અને જિલ્લામાં 27 ગુજરાત બટાલિયન NCC દ્વારા ઉત્સાહભેર આંતરરાષ્ટ્રીય યોગ દિવસ 2026 ની સાપ્તાહિક ઉજવણી

June 22, 2026 09:43 AM

જામનગર શહેર અને જિલ્લામાં 27 ગુજરાત બટાલિયન NCC દ્વારા ઉત્સાહભેર આંતરરાષ્ટ્રીય યોગ દિવસ 2026 ની સાપ્તાહિક ઉજવણી

જામનગર, 21 જૂન 2026: ‘સ્વસ્થ વૃદ્ધાવસ્થા માટે યોગ’ના ઉદ્દેશ્યને જાળવી રાખવા 27 ગુજરાત બટાલિયન NCC, જામનગરના કેડેટ્સે 14-21 જૂન 2026 દરમિયાન સપ્તાહભર આંતરરાષ્ટ્રીય યોગ દિવસ અભિયાનનું જિલ્લાવ્યાપી નેતૃત્વ કર્યું.

આ અભિયાનની શરૂઆત 14 જૂને આયુષ પોર્ટલ પર કેડેટ્સની ઓનલાઈન નોંધણી સાથે થઈ. ANOs, CTOs અને PI સ્ટાફની દેખરેખ હેઠળ સંલગ્ન શાળાઓ અને કોલેજોમાં કોમન યોગ પ્રોટોકોલની દૈનિક તાલીમ કરવામાં આવી.

18 જૂને જામનગરના ક્રિકેટ ગ્રાઉન્ડ ખાતે રાજ્ય સરકાર દ્વારા આયોજિત સામૂહિક યોગમાં ભાગ લેવાનું આકર્ષક આયોજન થયું. જામનગર ઉત્તરના ધારાસભ્ય શ્રીમતી રિવાબા જાડેજા, મુખ્ય અતિથિ તરીકે NCC કેડેટ્સ સાથે જોડાયા. સુમેળભર્યા પ્રદર્શને NCCના એકતા અને શિસ્તના મૂળ મૂલ્યોને પ્રતિબિંબિત કર્યા.

21 જૂને, બટાલિયને યોગને કેમ્પસની બહાર જામનગરના પ્રતિષ્ઠિત ઐતિહાસિક સ્થળો સુધી પહોંચાડ્યો. કેડેટ્સે ભાણવડના ઐતિહાસિક નૌલખા મંદિર, જામનગરના લાખોટા તળાવ, સિદસરના ઉમિયા માતા મંદિર અને દ્વારકા મંદિર પરિસર નજીકમાં યોગાસનો કર્યા. તમામ સંસ્થાઓમાં સમાંતર સત્રો યોજાયા, જેમાં કેડેટ્સ, સ્ટાફ, પૂર્વ વિદ્યાર્થીઓ અને સ્થાનિક નાગરિકોની સહભાગિતા જોવા મળી.

27 ગુજરાત બટાલિયન NCCના કમાન્ડિંગ ઓફિસર લેફ્ટનન્ટ કર્નલ શોભા નાયર, દ્વારા માર્ગદર્શીત આ સાપ્તાહિક કાર્યક્રમ અંગે તેમણે સંદેશો પાઠવતા કહ્યું કે, "NCC માટે, યોગ માત્ર એક દિવસનો કાર્યક્રમ નથી પરંતુ જીવનશૈલી છે. IDY-2026 દ્વારા, અમારા કેડેટ્સને વાસ્તવિક અનુભવ પ્રાપ્ત થયો છે કે, લાંબા ગાળાની શક્તિ સંતુલિત શરીર અને શિસ્તબદ્ધ મનમાં રહેલી છે. તેઓ દૈનિક યોગ અભિયાન માટે પ્રતિબદ્ધ થયા છે . તેમણે એ વાતને આત્મસાત કરી છે કે, સ્વસ્થ વૃદ્ધાવસ્થાની શરૂઆત યોગના નિયમિત અભ્યાસથી થાય છે."

કુલ મળીને, 1200 થી વધુ કેડેટ્સે આ અભિયાન દરમિયાન યોગને અપનાવ્યો. મંદિરો, તળાવો અને વર્ગખંડો સુધી યોગને લઈ જઈને, 27 ગુજરાત બટાલિયન NCC એ તેના ‘એકતા અને શિસ્ત’ ના સૂત્રને વધુ મજબૂત બનાવ્યું અને સાબિત કર્યું કે , સારા સ્વાસ્થ્યનો માર્ગ વ્યક્તિગત સુખાકારીથી શરૂ થાય છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેર અને જિલ્લામાં 27 ગુજરાત બટાલિયન NCC દ્વારા ઉત્સાહભેર આંતરરાષ્ટ્રીય યોગ દિવસ 2026 ની સાપ્તાહિક ઉજવણી

Recent News

Gujarat's No. 1 evening newspaper