આંતરરાષ્ટ્રીય સ્તરે કામગીરી ધરાવતી ડાઉનસ્ટ્રીમ કંપની નયારા એનર્જીએ જાહેરાત કરી હતી કે, કંપની પેટ્રોકેમિકલ્સ ક્ષેત્રમાં પ્રવેશ કરવાના માર્ગે સારી રીતે અગ્રેસર છે. પ્રોજેક્ટના પ્રથમ તબક્કા અંતર્ગત નયારા ગુજરાતમાં એની વાડિનાર રિફાઇનરી - રિફાઇનરી પ્રોપીલીન રિકવરી યુનિટ ખાતે હાલના એફસીસી યુનિટ (ફ્લુડાઇઝ કેટાલીટિક ક્રેકિંગ યુનિટ) અને પોલીપ્રોપીલીન યુનિટ (પીપીયુ)ના અપગ્રેડ સાથે વાર્ષિક ૪૫૦ કિલો ટનની ક્ષમતા ધરાવતો પોલીપ્રોપીલીન પ્લાન્ટ સ્થાપિત કરી રહી છે.
નયારા એનર્જીએ પેટ્રોકેમિકલ્સ ક્ષેત્રમાં પ્રવેશ કરવા તબક્કાવાર એસેટ ડેવલપમેન્ટ વ્યૂહરચના અપનાવી છે. દેશમાં પેટ્રોકેમિકલનો સૌથી વધુ ઉપભોગ કરતાં વિસ્તાર અને એની જેટ્ટી સાથે નિકટતા ધરાવતા પશ્ચિમ ભારતમાં વ્યૂહાત્મક રીતે સ્થિત ૨૦ એમએમટીપીએની ક્ષમતા ધરાવતી રિફાઇનરી સાથે નયારા ઊંચી વૃદ્ધિ ધરાવતા સેગમેન્ટમાં સારી રીતે પ્રવેશ કરવા સારી સ્થિતિમાં છે.
પ્રોજેક્ટના પ્રથમ તબક્કાનાં વિકાસમાં ૮૫ ટકા પ્રગતિ હાંસલ થઈ છે અને એનું પ્રથમ પેટ્રોકેમિકલ ઉત્પાદન એટલે કે પોલીપ્રોપીલીનનું ઉત્પાદન નાણાકીય વર્ષ ૨૦૨૨-૨૩ના ચોથા ત્રિમાસિક ગાળામાં શરૂ થવાની અપેક્ષા છે.
વર્ષ ૨૦૨૨માં તાજેતરમાં રિફાઇનરીની કામગીરી બંધ રાખવાના સમયગાળા દરમિયાન કંપની એના એકમો માટે અને પ્રથમ તબક્કા સાથે સંબંધિત તમામ એકમો માટે નિયમિત જાળવણી, ચકાસણી અને અપગ્રેડની કામગીરી થઈ હતી. નવેસરથી કામ કરવા સજ્જ એફસીસી યુનિટ ૨૦ ડિસેમ્બર, ૨૦૨૨ના રોજ સલામતીપૂર્વક શરૂ થયું હતું તથા ૨૩ ડિસેમ્બર, ૨૦૨૨ના રોજ ૧૦૦ ટકા યુનિટ થ્રૂપુટ હાંસલ થયું હતું.
પ્રોજેક્ટની પ્રગતિ પર નયારા એનર્જી લિમિટેડના સીઇઓ ડો. એલોઇસ વિરાગે કહ્યું હતું કે, એફસીસીને રિવેમ્પ કરવાની કામગીરી પૂર્ણ થવાની સાથે અમે અમારા પેટ્રોકેમિકલ પ્રવેશ પર મહત્વપૂર્ણ પ્રગતિ કરી છે. પ્રોજેક્ટનો આયોજિત તબક્કાવાર અમલ નયારાની મેગા પ્રોજેક્ટ્સ સફળતાપૂર્વક ડિલિવર કરવાની ક્ષમતાનો પુરાવો છે. આ ક્ષમતા અમને પ્રોજેક્ટના બીજા મોટા તબક્કા માટે ઉપયોગી બનશે, જે સંકલિત પેટ્રોકેમિકલ સંકુલ હશે.
કંપનીના પ્રોપીલીન રિકવરી યુનિટ પર મોટા ભાગની કામગીરી પૂર્ણ થવાની સાથે તેને ફેબ્રુઆરી, ૨૦૨૩માં કામગીરી શરૂ થયા અગાઉની પ્રવૃત્તિઓ શરૂ થવાની અપેક્ષા છે. ઉપરાંત પોલીપ્રોપીલીન યુનિટ માટે મોટા ભાગની લોંગ લીડ આઇટમ એક્સટ્રુડર, રિએક્ટર, પ્રોડક્ટ પ્યોર બિન વગેરે સાઇટ પર સ્થાપિત થયા છે અને હવે પાઇપિંગ અને નિર્માણ કાર્યો પૂર્ણ થયા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆરાધ્યા બચ્ચને શિવ રાજકુમારના ચરણસ્પર્શ કરી સંસ્કૃતિ ઉજાળી
September 19, 2024 12:48 PMહેમા અને સંજીવનો એક પણ સીન સાથે આવવો ન જોઈએ
September 19, 2024 12:42 PMપ્રેમ સંબંધને બચાવવા લીધો બ્લેક મેજિકનો સહારો
September 19, 2024 12:39 PMસોરી..આ સ્ટેજ મારું મંદિર છે, અહી ફૂડ ન રાખો
September 19, 2024 12:35 PMદીકરી ની પા પા પગલી થતા જ દીપિકાનું નસીબ ખુલ્યું, વધુ એક પ્રોપર્ટી ખરીદી
September 19, 2024 12:34 PMCopyright © 2023-2024 Aajkaal Daily
Developed by Rhythm Infotech