જામનગરની સરકારી જી.જી. હોસ્પિટલના પાર્કિંગમાંથી એક બાઇકની ચોરી થઈ ગઈ હતી. જે બાઈક ની ચોરી કરનાર એક રીક્ષા ચાલક સહિતના બે તસ્કરોને સિટી બી. ડિવિઝન પોલીસે પોકેટ કોપ તેમજ ઇ-ગુજકોપ એપ્લિકેશન ની મદદથી શોધી કાઢ્યા હતા, અને ચોરાઉ બાઈક કબ્જે કર્યું છે

 આ દરોડાની વિગત એવી છે કે જામનગરની સરકારી જી.જી. હોસ્પિટલમાંથી તાજેતરમાં જીજે ૧૦ સી. ક્યુ. ૯૧૫૦ નંબરનું બાઈક ચોરી થઈ ગયું હતું. જે અંગે સીટી બી. ડિવિઝન પોલીસમાં ફરિયાદ નોંધાવાઇ હતી.

 દરમિયાન પોલીસ ઇન્સ્પેક્ટર શ્રી એચ.પી. ઝાલા તથા પી.એસ.આઇ. ડી.એસ. વાઢેર અને તેમની ટીમેં તપાસના ચક્રો ગતિમાન કર્યા હતા, તેમ જ પોકેટકોપ તથા ઇ-ગુજકોપ એપ્લિકેશનની મદદથી જુદા જુદા સીસીટીવી કેમેરાઓ વગેરેની તપાસના અંતે જામનગરમાં સંકર ટેકરી સુભાષ પાર્ક વિસ્તારમાં રહેતા અને રિક્ષા ડ્રાઇવિંગ કરતા પિયુષ મંછાભાઈ રાઠોડ તેમજ શંકર ટેકરી ડાંગરવાડા શેરી નંબર ૩૧ માં રહેતા હાર્દિક પ્રેમજીભાઈ રાઠોડ ને પકડી પાડ્યા હતા, અને તેઓ પાસેથી ૩૫,૦૦૦ ની કિંમત નું ચોરાઉ મોટર સાયકલ કબજે કરી લીધું છે.