ઇન્ડોનેશિયા ચૂંટણી: પ્રબોવોની રાષ્ટ્રપતિ પદ માટે નિર્ણાયક લીડ
સત્તા સંઘર્ષ: એક દિવસમાં ૨૦૦ મિલિયનથી વધુ લોકોએ કર્યું મતદાન ; ૨૦,૦૦૦ રાષ્ટ્રીય, પ્રાંતીય અને જિલ્લા સ્તરના જનપ્રતિનિધિઓ માટે યોજાઈ હતી ચૂંટણી
ઈન્ડોનેશિયામાં મતગણતરી ચાલી રહી છે અને અત્યાર સુધીની ગણતરી મુજબ રક્ષા મંત્રી પ્રબોવો સુબિયાન્ટોએ ઈન્ડોનેશિયાની રાષ્ટ્રપતિની ચૂંટણીમાં જીતનો દાવો કર્યો છે. તેણે કહ્યું કે તે ઈન્ડોનેશિયાના રાષ્ટ્રપતિની ચૂંટણી તે જીતી ગયા છે. જો કે હજુ સુધી તેની સત્તાવાર જાહેરાત કરવામાં આવી નથી.
આવતા મહિના સુધી સત્તાવાર પરિણામો જાહેર કરવામાં આવશે નહીં, પરંતુ ચૂંટણી ટ્રેકિંગ એજન્સીઓનો અંદાજ છે કે પ્રબોવોને ૫૫ %થી વધુ મત મળશે. પોલસ્ટર પોલટ્રેકિંગ મુજબ, લગભગ ૩૦% મતોની ગણતરી પૂર્ણ થયા પછી, ગેરીન્દ્રા પાર્ટીના પ્રમુખ પ્રબોવોને ૫૯.૫૩% મત મળી રહ્યા છે. આ રીતે, પ્રબોવો તેના હરીફો અનિસ બાસ્વેદન અને ગંજર પ્રબોઓ પર સારી સરસાઈ જાળવી રાખી છે. ઇન્ડોનેશિયામાં બુધવારે ૨૦૦ મિલિયનથી વધુ મતદારોએ રાષ્ટ્રીય અને પ્રાંતીય સ્તરે રાષ્ટ્રપતિ તેમજ નવા સાંસદો માટે મતદાન કર્યું હતું. આ કારણોસર, ઇન્ડોનેશિયાની ચૂંટણીને એક જ દિવસમાં યોજાયેલી વિશ્વની સૌથી મોટી ચૂંટણી માનવામાં આવે છે. બુધવારે અહીં લગભગ ૨૦,૦૦૦ રાષ્ટ્રીય, પ્રાંતીય અને જિલ્લા સ્તરના જનપ્રતિનિધિઓ માટે ચૂંટણી યોજાઈ હતી.
ઇન્ડોનેશિયાના બંધારણ મુજબ, રાષ્ટ્રપતિ પદ જીતવા માટે, સફળ ઉમેદવારને દેશના ૩૮ પ્રાંતોમાં કુલ મતોના ૫૦%થી વધુ અને ઓછામાં ઓછા ૨૦% મત મેળવવાની જરૂર છે. જો આમ ન થાય તો બીજા તબક્કાની ચૂંટણી યોજાશે, જે જૂનમાં યોજાવાની છે. ફક્ત તે પક્ષ અથવા ગઠબંધન રાષ્ટ્રપતિ પદ માટે તેના ઉમેદવારને નોમિનેટ કરી શકે છે, જે સંસદની ૨૦% બેઠકો પર નિયંત્રણ ધરાવે છે.
રાષ્ટ્રપતિ સુહાર્તોની પુત્રી સાથે લગ્ન કરનાર પ્રબોવોનું રાજકારણ ઝડપથી આગળ વધ્યું છે. તેમણે રાજધાની જકાર્તામાં શક્તિશાળી આર્મી સ્ટ્રેટેજિક રિઝર્વના કમાન્ડર ચીફનું પદ સંભાળ્યું છે. ૨૦૧૪ અને ૨૦૧૯ માં રાષ્ટ્રપતિ જોકોવી સામે રાષ્ટ્રપતિની ચૂંટણી લડનારા પ્રબોબોએ ૨૦૨૦ માં તેમના સમર્થકોને પાછળ છોડી અને સંરક્ષણ પ્રધાન તરીકે રાષ્ટ્રપતિ જોકોવીની કેબિનેટમાં જોડાયા. તે તમામ ઉમેદવારોમાં સૌથી અમીર છે.
વર્તમાન પ્રમુખ જોકો વિડોડો (જોકોવો) પહેલાથી જ બે ટર્મ સેવા આપી ચૂક્યા છે. આ કારણોસર, વિશ્વના આ ચોથા સૌથી વધુ વસ્તી ધરાવતા દેશમાં એક દાયકામાં નેતૃત્વમાં પ્રથમ ફેરફાર થશે. નિરાશાજનક માનવાધિકાર રેકોર્ડ ધરાવતા ભૂતપૂર્વ જનરલ પ્રબોવોની ચૂંટણી ઇન્ડોનેશિયાના માનવાધિકાર રેકોર્ડને વધુ ખરાબ કરે તેવી શક્યતા છે. સુબિયાન્ટો પર સૈન્ય શાસન દરમિયાન વિદ્યાર્થીઓનું અપહરણ અને હેરાન કરવાનો આરોપ છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMઈંડા અને તેલ વગર આ 5 રીતથી બનાવો મેયોનીઝ
April 04, 2025 04:56 PMCopyright © 2023-2024 Aajkaal Daily
Developed by Rhythm Infotech