આગામી સીઝનથી આઈપીએલમાં ૭૪ મેચ, બીસીસીઆઈને ૫ હજાર કરોડનો થશે ફાયદો

  • July 06, 2021 11:10 AM 
Aajkaal Daily (Desh Pardesh Ni Aajkaal)

ટીમોની સંખ્યા ૧૦ થઈ જશે: ટી –૨૦ લીગનું ફોર્મેટ બદલાશે: ટીમોને બે જૂથોમાં વહેંચવામાં આવશે અને મેચ યોજાશે

 



બીસીસીઆઈ આઈપીએલ ૨૦૨૨માટે મોટી તૈયારી કરી રહ્યું છે. આગામી સીઝનમાં બે નવી ટીમોનો સમાવેશ થવાનો છે. તેનું ટેન્ડર ટૂંક સમયમાં બહાર આવવા જઇ રહ્યું છે. પરંતુ ટીમની વૃદ્ધિ થતાં ટૂર્નામેન્ટનું બંધારણ બદલાશે. કોરોના કેસ બાદ હાલની આઈપીએલ સીઝન ૪ મેના રોજ મુલતવી રાખવામાં આવી હતી. ૬૦ માંથી બાકીની ૩૧ મેચ સપ્ટેમ્બર–ઓકટોબરમાં યુએઈમાં યોજાવાની છે.

 


એક અખબારી અહેવાલ અનુસાર, ૨૦૨૨ થી રાઉન્ડ રોબિનના આધારે ટૂર્નામેન્ટ યોજાશે નહીં. મળતી માહિતી મુજબ ૧૦ ટીમોને ૫–૫ ટીમોના બે જૂથોમાં વહેંચવામાં આવશે. દરેક ટીમે ૮ લીગ મેચ રમવાની રહેશે. ઘરે ૪ અને બહાર ૪. આ રીતે કુલ ૭૪ મેચનું આયોજન કરવામાં આવશે. હાલમાં, કુલ મળીને ૬૦ મેચ છે. એટલે કે, ૧૪ મેચમાં વધારો થશે. જો લીગ રાઉન્ડ રોબિનની તર્જ પર અગાઉની જેમ આયોજન કરવામાં આવ્યું હોત, તો મેચની કુલ સંખ્યા ૯૪ હોત. આવી સ્થિતિમાં, બોર્ડને મોટી વિંડોની  હોત. આઇસીસી પણ દર વર્ષે એક મોટી ઇવેન્ટનું આયોજન કરવા જઈ રહી છે. આવી સ્થિતિમાં, વિદેશી ખેલાડીઓની ઉપલબ્ધતા મુશ્કેલીકારક હોઈ શકે છે.

 


બીસીસીઆઈની દરેક સીઝનમાં ૧૪ મેચમાં વધારો કરીને આશરે ૮૦૦ કરોડ પિયાની વધારાની આવક થશે. આ સિવાય બે નવી ટીમો પાસેથી આશરે ૪ હજાર કરોડ પિયા મળવાના છે. એક ટીમ તરફથી આશરે ૨ હજાર કરોડ પિયા. આ રીતે, બીસીસીઆઈને આશરે ૫ હજાર કરોડ પિયા મળવા જઈ રહ્યા છે. આગામી સીઝન પહેલા, બીસીસીઆઈ ટી ૨૦ લીગના મીડિયા અધિકારને ફરીથી ટેન્ડર કરશે. આવી સ્થિતિમાં, દરેક મેચમાંથી આવકમાં વધુ વધારો થવાની સંભાવના છે.

 


બીસીસીઆઈ ડિસેમ્બરમાં આઇપીએલની મેગા હરાજી કરી શકે છે. એટલે કે, ખેલાડીઓની નવી હરાજી કરવામાં આવશે. જોકે બધી ટીમો ૪ ખેલાડીઓ જાળવી રાખવામાં સક્ષમ હશે. આ માટે એક શરત રાખવામાં આવી છે. જે ખેલાડીઓ જાળવી રાખવામાં આવે છે તેમાં ત્રણ સ્થાનિક, એક વિદેશી અથવા બે ઘરેલું, બે વિદેશી ખેલાડીઓ હોવું જરી છે. મુંબઈ ઈન્ડિયન્સે ૫ વખત આઈપીએલનું ટાઇટલ જીત્યું છે.

 


બીસીસીઆઈ હરાજી દરમિયાન ટીમોના પગાર પર્સમાં એટલે કે, હરાજીમાં ખર્ચ કરવાની રકમ વધારશે. અગાઉ ફ્રેન્ચાઇઝી વધુમાં વધુ ૮૫ કરોડ પિયા ખર્ચ કરી શકે છે. તે વધારીને ૯૦ કરોડ કરવામાં આવી છે. એટલે કે ૫ કરોડનો વધારો કરવામાં આવ્યો છે. જો આપણે ૧૦ ટીમોની વાત કરીશું તો કુલ ૫૦ કરોડનો વધારો થશે. દરેક ટીમે તેના પર્સનો ૭૫ ટકા ખર્ચ કરવો પડશે. તે આગામી ત્રણ સીઝનમાં સતત વધશે. આ પછી હરાજી દરમિયાન ટીમને ૯૫ કરોડ અને ત્યારબાદ ૧૦૦ કરોડ મળશે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS