સુશાંતસિંહ રાજપૂત કેસમાં ડ્રગ્સ એન્ગલથી થઈ રહેલી તપાસમાં બોલીવુડની અનેક હસ્તીઓના નામ ખુલ્યા છે. રિયા ચક્રવર્તી અને તેના ભાઈ શોવિકની ઘરપકડ બાદ, દીપિકા પાદુકોણ, સારા જેવી અભિનેત્રીઓની NCBએ પુછ્પરછ કરી છે ત્યારે વધુ ત્રણ ચોંકાવનારા નામ સામે આવ્યા છે.

 આ મામલે એનસીબીના સુત્રોમાંથી જાણવા મળ્યું છે કે બોલીવુડમાં ડ્રગ્સ રેકેટ પાછળ કેટલાક મોટા એકટરોનો હાથ છે. જેઓ પહેલા સુપર મોડેલ પણ રહી ચુક્યા છે. ધરપકડ કરાયેલ પેડલર્સેઆ બાબતે એનસીબીને કેટલાક એક્ટરના નામ આપ્યા છે અને એનસીબી હવે આ બાબતે વધુ તપાસ કરી રહી હોવાનું ચર્ચાઈ રહ્યું છે.

દીપિકા પાદુકોણ, સારા અલીખાન અને શ્રધ્ધા કપુરની પુછપરછ બાદ હવે એનસીબી બોલીવુડના કેટલાક અભિનેતાઓને સંકજામાં કસવાની કવાયત કરી રહી છે. આ અભિનેત્રીને પુછોપરછ કરતા અનેક વિગતો જાણવા મળી હોવાનું એનસીબીના સુત્રોમાંથી જાણવા મળ્યું છે અને એ અભિનેતાઓ ઉપર ખૂબ ગંભીર આરોપ લગાવવમાં આવ્યા છે. જોકે હાલ સુધી એ અભિનેતાઓના નામ જાહેર કરવામાં આવ્યા નથી.