ઉત્તર પ્રદેશના મેરઠથી એક ચોંકાવનારો વીડિયો સામે આવ્યો હતો. અહીં એક લગ્ન સમારોહના જમણવારમાં તંદૂરી રોટી બનાવતા એક વ્યક્તિનો વીડિયો આગની જેમ વાયરલ થયો હતો. આ વ્યક્તિ રોટી બનાવી તેમાં થૂંકી રહ્યો હતો. આ વીડિયો સોશિયલ મીડિયામાં વાયરલ થયા બાદ પોલીસ હરકતમાં આવી હતી. 

આ વ્યક્તિની આ હરકતથી બીમારી ફેલાવાનું જોખમ વધે તેમ હોવાથી પોલીસે તેની વિરુદ્ધ કાર્યવાહી કરી છે. આ વ્યક્તિ વિરુદ્ધ હિંદૂ જાગરણ મંચ દ્વારા ફરિયાદ દાખલ કરવામાં આવી હતી. જેને આધારે પોલીસે તેની ધકપકડ કરી છે.