ઝારખંડ મુક્તિ મોરચાના નેતા હેમંત સોરેનની ધરપકડ બાદ તૃણમૂલ કોંગ્રેસના વડા મમતા બેનર્જી કેન્દ્ર સરકારમાં સત્તામાં રહેલી ભારતીય જનતા પાર્ટી પર આક્રમક બન્યા છે. ગતરોજ અને આજે તેમણે દેશની કેન્દ્રીય એજન્સીઓની કાર્યવાહી પર આકરા પ્રહારો કર્યા કર્યા છે, એ દરમિયાન આજે તેમણે કહ્યું કે, 'ચૂંટણી જીતવા માટે તેઓ દરેકને જેલમાં ધકેલી રહ્યા છે. અમે બધા ચોર છીએ અને તમે બધા સંત છો એમ ? આ દરમિયાન મમતા બેનર્જીએ પોતાની આગવી શૈલીમાં આગળ કહ્યું કે, જો મને જેલમાં નાખવામાં આવશે તો હું તો બાકોરું પાડીને બહાર આવીશ. આજે તમારી પાસે ક્ષમતા છે તો તમે એજન્સી લઈને ફરો છો, કાલે નહી હોય તો સૂટ પણ ગાયબ થઈ જશે.

મમતા બેનર્જીએ વધુમાં સાંસદ મહુઆ મોઇત્રાને સંસદમાંથી હાંકી કાઢવાનો ઉલ્લેખ કર્યો હતો. તેણે કહ્યું, 'મહુઆને હાંકી કાઢવામાં આવી છે, પરંતુ હું જાણું છું કે જનતા તેને જીતાડવા માટે વોટ આપશે.' મુખ્યમંત્રી મમતા બેનર્જીએ એક સાથે રાજ્યના લોકોને કહ્યું કે તેઓ બંગાળમાં NRC થવા દેશે નહીં. તેમણે કહ્યું, 'ભાજપ ચૂંટણી પહેલા NRC કરવા જઈ રહી છે. શું મહુઆ આ સ્થળની નાગરિક નથી? જો તમે મત આપો છો, તો તમે નાગરિક છો. તેમણે કહ્યું, 'BSFનો અત્યાચાર વધી રહ્યો છે. આ સાથે તેણે પ્રશ્નાર્થ સ્વરમાં કહ્યું કે BSF શા માટે ઇનલાઇન પરમિટ આપશે. હું DM લોકોને કહીશ કે તેઓ ઇનલાઇન પરમિટ આપે.

જનતા તરફ ઈશારો કરતા ટીએમસી ચીફે કહ્યું, 'જો તમે લોકો અમને સમર્થન આપો તો હું વચન આપું છું કે ચૂંટણી જીત્યા પછી અમે દિલ્હીમાં દખલ કરીશું. ચૂંટણી પછી પ્રાદેશિક પક્ષો સાથે મળીને કેવી રીતે અને શું કરશે તે નક્કી કરવામાં આવશે. દરમિયાન, મમતા બેનર્જીએ એ પણ સ્પષ્ટ કર્યું કે તેઓ પશ્ચિમ બંગાળમાં આગામી લોકસભા ચૂંટણી એકલા હાથે લડશે. તેમણે સ્પષ્ટ કર્યું કે બંગાળમાં ટીએમસી એકલા હાથે લડશે. કારણ કે અમે ગઠબંધન ઈચ્છતા હતા, પરંતુ કોંગ્રેસ સીપીએમ સાથે છે. હું CPM સાથે ન જઈ શકું.