જામનગર : દિવાળીના તહેવાર નિમીતે ફટાકડા ફોડતી વખતે સલામતી અને સાવચેતી જાળવવા અંગે જરૂરી સૂચનો

October 17, 2025 12:04 PM

દિવાળી પર્વ નિમીતે જિલ્લામાં કોઇ આકસ્મિક ઘટના/ આગ કે અન્ય બનાવ ન બને, લોકોની સલામતી જળવાય અને લોકો પુરા હર્ષોલ્લાસથી તહેવારની ઉજવણી કરી શકે તે માટે જાહેર જનતાના હિતાર્થે દિવાળીના તહેવાર દરમ્યાન સલામતી અને સાવચેતી રાખવા અંગે જરૂરી સૂચનાઓ આ મુજબ છે.

ખુલ્લી જગ્યામાં ફટાકડા ફોડો અને ખાતરી કરો કે આજુબાજુ કોઈ જ્વલનશીલ અથવા દાહક પદાર્થ નથી, હંમેશા લાયસન્સ ધરાવતા વિક્રેતાઓ પાસેથી ફટાકડા ખરીદો, ક્રેકરના લેબલ પર છાપેલી સૂચનાઓ વાંચવાનું યાદ રાખો, ખાસ કરીને જો ક્રેકર વાપરવા માટે નવું હોય, ફટાકડાને બંધ ક્ધટેનરમાં સ્ટોર કરો અને આસપાસના કોઈપણ દાહક અથવા જ્વલનશીલ પદાર્થોથી દૂર રાખો, ફટાકડા સળગાવતી વખતે, સલામત અંતર જાળવો.

ફટાકડા ફોડતી વખતે, તમારા વાળને યોગ્ય રીતે બાંધો, ખાસ કરીને જો તમારા વાળ લાંબા હોય તો, તમે શું પહેરેલ છે ? તેના પર નજર રાખો. લાંબા અને ઢીલા કપડાં પહેરવાનું ટાળો કારણ કે તેમાં આગ લાગવાની શક્યતા છે. તેના બદલે, ફીટ કરેલા કોટનના કપડાં પહેરો, ખાતરી કરો કે તમારું બાળક તમારી દેખરેખ હેઠળ ફટાકડા ફોડે છે. બાળકોનું વિશેષ ધ્યાન રાખો, જો ફટાકડાનો અવાજ બહેરાશભર્યો હોય, તો નુકસાન ટાળવા માટે તમારા કાનમાં કોટન પ્લગ મૂકો.

શ્વસન પ્રક્રિયા સબંધી કોઇપણ પ્રકારની સમસ્યાવાળા લોકોએ ઘરની અંદર જ રહેવું જોઈએ. તમારી છતની ટોચ પરથી કોઇપણ જવલનશીલ પદાર્થને દુર કર્યાની ખાતરી કરો, ફટાકડા ફોડતી વખતે ફૂટવેર પહેરો, હાથમાં ફટાકડા ફોડશો નહી. સળગતી મીણબત્તીઓ અને દીવાઓની આસપાસ ફટાકડા ખુલ્લા ન છોડો, વીજળીના થાંભલા અને વાયરો પાસે ક્યારેય ટાકડા ફોડવા નહીં.

અડધા બળી ગયેલા ફટાકડાને ક્યારેય ફેંકશો નહીં કે અડકશો નહિ તે જ્વલનશીલ પદાર્થ પર પડી શકે છે અને આગ પ્રગટાવી શકે છે. સિલ્ક અને સિન્થેટિક ફેબ્રિક ન પહેરો, ફટાકડા ફોડવા માટે ઓપન ફાયર (મેચ બોક્ષ અથવા લાઇટર) નો ઉપયોગ કરવાનું ટાળો, ફોડવા માટે સ્પાર્કલર, લાંબુ ફાયર લાકડું અથવા અગરબત્તીનો ઉપયોગ કરો, કોઈપણ વાહનની અંદર ફટાકડા ફોડવાનો પ્રયાસ ક્યારેય કરશો નહીં.

જો ફટાકડા ફૂટવામાં વધુ સમય લાગે તો તેની સાથે છેડછાડ કરવાનું ટાળો, ક્રેકરથી સુરક્ષિત અંતર જાળવો અને તેને ફેલાવવા માટે પાણી રેડો, ખેતીવાડી ઉત્પન્ન બજાર સમિતી અને કોટન ગોડાઉન વિસ્તારની આજુબાજુ ફટાકડા ફોડવા નહિ, ઇમરજસી માટે પાણીની ડોલ હાથમાં રાખો, આગના કિસ્સામાં જિલ્લા કંટ્રોલ રૂમ ખાતે ફોન નં.૦૨૮૮-૨૫૫૩૪૦૪, જામનગર મહાનગરપાલિકા ફાયર કંટ્રોલ રૂમ નં.૦૨૮૮-૨૬૭૨૨૦૮ અથવા ફાયર બ્રિગેડને ૧૦૧ પર કોલ કરો. તેમ નિવાસી અધીક કલેક્ટર બી.એન.ખેરની યાદીમાં જણાવવામાં આવ્યું છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર : દિવાળીના તહેવાર નિમીતે ફટાકડા ફોડતી વખતે સલામતી અને સાવચેતી જાળવવા અંગે જરૂરી સૂચનો

Recent News

Gujarat's No. 1 evening newspaper