મહારાષ્ટ્રમાં એક જ દિવસમાં 43,000થી વધુ કોરોના કેસ નોંધાયા

  • April 02, 2021 09:45 PM 
Aajkaal Daily (Desh Pardesh Ni Aajkaal)

માર્ચની શરૂઆતમાં દેશમાં નોંધાતા હતા તેનાથી બમણા કેસ એક દિવસમાં મહારાષ્ટ્રમાં નોંધાયા



જાન્યુઆરી ફેબ્રુઆરીમાં જેટલા કેસ આખા દેશમાં નહોતા નોંધાતા તેના કરતા બમણા કેસ એકલા મહારાષ્ટ્રમાં નોંધાઈ રહ્યા છે. મહારાષ્ટ્રમાં એક દિવસમાં નોંધાતા કેસના તમામ રેકોર્ડ તોડી નાખ્યા છે. રાજ્યમાં 24 કલાકમાં 43,183 કેસ નોંધાયા છે. જે કોરોનાની મહામારી આવ્યા પછીના રાજ્યમાં નોંધાયેલા સૌથી વધુ કેસ છે.

 


રાજ્યમાં નવા નોંધાયેલા 43,000 કરતા વધુ કેસ સાથે કુલ કેસનો આંકડો 28,56,163 પર પહોંચી ગયો છે. મહારાષ્ટ્રમાંવધુ 249 લોકોએ કોરોનાના કારણે જીવ ગુમાવ્યો છે. જેની સાથે કુલ મૃત્યુઆંક 54,898 પર પહોંચ્યો છે.

 


રાજ્યના હેલ્થ બુલેટિન મુજબ પાછલા 24 કલાકમાં 32,641 લોકો કોરોનાને હરાવીને સાજા થયા છે. મહારાષ્ટ્રમાં કુલ 24,33,368 લોકો કોરોનાને માત આપી ચુક્યા છે. રાજ્યમાં એક્ટિવ કેસની સંખ્યા 3,66,533 છે.આ અઠવાડિયા પહેલા મહારાષ્ટ્ર સરકારે જણાવ્યું હતું કે, ’સંપૂર્ણ’ બંધ નહીં કરાય, પરંતુ કેટલાક પ્રતિબંધો લગાવવામાં આવશે, જેથી કરીને કોરોનાની ચેનને તોડી શકાય.

 


જે રીતે રાજ્યમાં કોરોનાના કેસ વધી રહ્યા છે તેને જોતા રાજ્ય સરકારે મહારાષ્ટ્રમાં નાઈટ કર્ફ્યૂ લાદી દીધો છે. આ સિવાય સરકારે રાતના 8થી સવારના 7 વાગ્યા સુધી એક સાથે 5 લોકોએ ભેગા ના થવું તેવી પણ સૂચના આપી છે. બીચ અને સી-ફ્રન્ટ્સ રાતના 8થી સવારના 7 સુધી બંધ રહેશે. આ સાથે તમામ સિનેમા ઘર, મોલ, રેસ્ટોરન્ટ્સ અને નાટ્યગૃહો રાતના 8 વાગ્યાથી સવારના 7 વાગ્યા સુધી બંધ જ રહેશે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS