હાલમાં બોલિવૂડ એક્ટર રણબીર કપૂર પોતાની ફિલ્મ એનિમલની સફળતાના કારણે ચર્ચામાં હતો, પણ હવે તેની મજા સજા બની છે. કેમ કે રણબીર અને તેના પરિવારના સભ્યો વિરુદ્ધ ધાર્મિક ભાવનાઓને ઠેસ પહોંચાડવાની ફરિયાદ દાખલ કરવામાં આવી છે. ક્રિસમસ સેલિબ્રેટ કરતા અભિનેતાનો વીડિયો વાયરલ થયા બાદ આ ફરિયાદ દાખલ કરવામાં આવી છે. જો કે હજુ સુધી આ મામલે FIR નોંધવામાં આવી નથી.

View this post on Instagram

A post shared by Instant Bollywood (@instantbollywood)

રણબીર કપૂર અને આલિયા ભટ્ટનો ક્રિસમસ સેલિબ્રેટ કરવાનો એક વીડિયો વાયરલ થઈ રહ્યો છે. જેમાં રણબીર કેક પર શરાબ રેડતા અને 'જય માતા દી' કહેતા જોવા મળે છે. આ સાંભળીને ત્યાં હાજર બધા હસી પડ્યા. આ વીડિયોને લઈને સંજય તિવારીએ પોતાના વકીલ આશિષ રાય અને પંકજ મિશ્રા મારફતે ઘાટકોપર પોલીસ સ્ટેશનમાં ફરિયાદ આપી છે.

ફરિયાદમાં તેણે દાવો કર્યો છે કે વીડિયોમાં રણબીર 'જય માતા દી' કહેતા કેક પર દારૂ રેડતો અને તેને આગ લગાવતો જોવા મળ્યો હતો. ફરિયાદમાં કહેવામાં આવ્યું છે કે હિંદુ ધર્મમાં અન્ય દેવી-દેવતાઓનું આહ્વાન કરતા પહેલા અગ્નિ દેવતાનું આહ્વાન કરવામાં આવે છે, પરંતુ કપૂર અને તેના પરિવારના સભ્યોએ અન્ય ધર્મના તહેવારની ઉજવણી કરતી વખતે જાણી જોઈને નશાનો ઉપયોગ કર્યો હતો અને 'જય માતા દી' ના નારા લગાવ્યા હતા.' ફરિયાદમાં એવો આક્ષેપ કરવામાં આવ્યો હતો કે આનાથી ફરિયાદીની ધાર્મિક લાગણીઓને ઠેસ પહોંચી છે. જોકે પોલીસે હજુ સુધી કેસ નોંધ્યો નથી.

ઘણા સોશિયલ મીડિયા યુઝર્સને રણબીરની આ સ્ટાઇલ પસંદ નથી આવી. આ વીડિયોને લઈને યુઝર્સે તેને ટ્રોલ પણ કર્યો હતો. એક યુઝરે લખ્યું, 'દારૂ અને જય માતા દી.. આ શું બકવાસ છે?' અન્ય એક યુઝરે લખ્યું, 'તે જય માતા દી બોલતા દારૂ રેડી રહ્યો છે. શું આપણે આવા લોકોને આપણા રોલ મોડલ માનીએ છીએ?