ધ્રોલ તાલુકાના ખેંગારકા ગામમાં એક વાડીમાં ખેતી કામ દરમિયાન કરુણાજનક કિસ્સો બન્યો છે, અને એક ખેડૂત યુવાન નું માથું થ્રેશર મશીનમાં ફસાયું હતું અને તેનો હાથ અને માથું છુંદાઈ જતાં ગંભીર ઇજા થવાથી કરુણ મૃત્યુ નીપજયું છે.


મૂળ દાહોદનો વતની અને હાલ ધ્રોલ તાલુકાના ખેંગારકા ગામમાં એક ખેડૂતની વાડીમાં રહીને ખેત મજૂરી કામ કરતા વિનુભાઈ બચુભાઈ ડામોર નામના ૩૫ વર્ષના આદિવાસી યુવાનનું ચાલુ થ્રેસરમાં હાથ અને માથું આવી જતા ગંભીર સ્વરૂપે ઘાયલ થયા પછી તેને ઇજાગ્રસ્ત હાલતમાં સારવાર માટે ધ્રોળની સરકારી હોસ્પિટલમાં લઈ જવાયો હતો, પરંતુ ત્યાં માત્ર તેનો મૃતદેહ જ પહોંચ્યો હતો, અને કરુણ મૃત્યુ નિપજ્યું હતું.


 આ બનાવ અંગે મૃતકની પત્ની ઝુમલીબેન વિનુભાઈ ડામોરે પોલીસને જાણ કરતાં ધ્રોલ પોલીસ સ્ટેશનનો સ્ટાફ ઘટના સ્થળે તેમજ ધ્રોળની સરકારી હોસ્પિટલે પહોંચી ગયો હતો, અને મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે.
​​​​​​​