ખોરાકને પૂર્ણ બનાવવામાં નમકની મહત્વપૂર્ણ ભૂમિકા હોય છે. નમક વિનાનો ખોરાક સ્વાદવિહીન લાગે છે. પરંતુ  ખોરાક માટે જ નહીં ત્વચા માટે પણ નમક લાભકારક હોય છે. આ માટે તેને પાણીમાં મિક્સ કરી અને નાહવાથી શરીરને આરામ મળે છે. તેમજ ત્વચા સંબંધિત સમસ્યાઓમાં મોટી રાહત મળે છે. તો આવો જાણીએ કે નમકના પાણીથી શું ફાયદા થાય છે.

પાણીમાં 1 ટેબલ સ્પૂન નમક મિક્સ કરી અને નાહવાથી ત્વચાની ઊંડાણપૂર્વક સફાઈ થાય છે. નમક ડેડ સ્કિન સેલ્સ સાફ કરી નવી સ્કીમ લાવવામાં મદદરૂપ થાય છે. આ રીતે ત્વચામાં ચમક આવે છે. 

મોટા ભાગે જે લોકો વધારે કામ કરતા હોય તે લોકોને માંસપેશીઓ જવાની અને ખેંચાણ ની ફરિયાદ કરતા હોય છે. એવામાં પાણીમાં નમક નાખી અને નાહવાથી શરીરને આરામ મળે છે, તેમજ સાંધા અને શરીરના અન્ય ભાગોમાં થતા દુખાવામાંથી છુટકારો થાય છે.

ઉનાળાના દિવસોમાં વધારે પરસેવો થવાથી ત્વચામાં ઇન્ફેક્શન થવા લાગે છે. એવામાં ત્વચા સંબંધિત સમસ્યાઓ જેવી કે બળતરા, ખંજવાળ, વગેરે ઉત્પન્ન થાય છે. જેમાંથી રાહત મેળવવા માટે નમકના પાણીથી સ્નાન કરવું શ્રેષ્ઠ વિકલ્પ છે. એવામાં કેલ્શિયમ અને મેગ્નેશિયમથી થતા ઇન્ફેક્શનનો ખતરો ઓછો રહે છે.

જો ચહેરા પર ખીલના ડાઘ તેમજ થવાની સમસ્યા હોય તો તેના માટે પાણીમાં 2 ટેબલ સ્પૂન  નમક મિક્સ કરીને સ્નાન કરવું જોઈએ.

એક ટબમાં હૂંફાળું પાણી લો, તેમાં 2 ટેબલસ્પૂન નમક મિક્સ કરો ત્યારબાદ તેમાં થોડી વાર માટે પગને ડુબાળીને રાખો, આ રીતે પગના સોજા અને દર્દમાંથી રાહત મળે છે.