કરીના કપૂર ખાને આજે દીકરાને જન્મ આપ્યો છે. છેલ્લા ઘણા સમયથી કરીનાના બીજા બાળકના જન્મની સતત ચર્ચાઓ થઈ રહી હતી. કરીના અને સૈફે ઓગસ્ટ 2020માં જાહેર કર્યું હતું કે તે બીજીવાર માતા પિતા બનવાના છે. કરીનાના ફેન્સ તેના બીજા બાળકના જન્મને લઈને આતુર હતા. 

કરીનાએ વર્ષ 2016માં તૈમૂર અલી ખાનને જન્મ આપ્યો હતો. જો કે તૈમૂર અત્યાર સુધીનો સૌથી વધુ લોકપ્રિય સ્ટાર કિડ રહ્યો છે. પરંતુ તેના જન્મ બાદ તેના નામને લઈને ભારે વિવાદ થયો હતો. તૈમૂર હાલ ચાર વર્ષનો છે અને હવે તેના ભાઈનો જન્મ થયો છે. મહત્વપૂર્ણ છે કે કરીના અને બીજા બાળકની સંભાળ લેવા માટે સૈફએ હાલ કામમાંથી બ્રેક લીધો છે. તેઓ કરીનાની ડિલીવરી પહેલા જ નવા ઘરમાં શિફ્ટ થયા છે.