સૌરાષ્ટ્રના કુલ ૮૨ ડેમમાંથી એક માત્ર રાજકોટના ન્યારી-૧ ડેમ સાઇટ ઉપર સાત મી.મી.વરસાદ

રાજકોટ સહિત સૌરાષ્ટ્રના કુલ ૮૨ જળાશયોમાંથી ભાદર-૧, આજી-૧ અને મચ્છુ-૧ સહિતના ૧૬ ડેમમાં ગત સવારે આઠથી આજે સવારે આઠ સુધીના છેલ્લા ૨૪ કલાકમાં ૦.૧૦ ફૂટથી એક ફૂટ સુધી નવા નીરની આવક નોંધાઇ છે, એકંદરે મેઘવિરામ વચ્ચે એક માત્ર રાજકોટના ન્યારી-૧ ડેમ સાઇટ ઉપર સાત મી.મી.વરસાદ નોંધાયો છે.

વિશેષમાં રાજકોટ સિંચાઇ વર્તુળના ફ્લડ કન્ટ્રોલ રૂમના સૂત્રોના જણાવ્યા મુજબ રાજકોટ જિલ્લામાં ભાદર-૧માં ૦.૧૦ ફૂટ, આજી-૧માં ૦.૨૬ ફૂટ, ઇશ્વરીયામાં ૦.૧૬ ફૂટ, ઘેલો સોમનાથમાં ૧.૦૨ ફૂટ, મોરબી જિલ્લામાં મચ્છુ-૧માં ૦.૩૦ ફૂટ, ડેમી-૧માં ૦.૧૩ ફૂટ, ડેમી-૨માં ૦.૧૬ ફૂટ, બ્રાહ્મણીમાં ૦.૩૦ ફૂટ, બ્રાહ્મણી-૨માં ૦.૧૬ ફૂટ, જામનગર જિલ્લામાં સસોઈ ડેમમાં ૦.૯૫ ફૂટ, દ્વારકા જિલ્લામાં મીણસાર વાનાવડમાં ૦.૧૬ ફૂટ, સુરેન્દ્રનગર જિલ્લામાં વઢવાણ ભોગાવો-૧માં ૦.૨૦ ફૂટ, ફલકુમા ૦.૩૩ ફૂટ, વાંસલમાં ૦.૩૩ ફૂટ, લીંબડી ભોગાવો-૨માં ૦.૧૬ ફૂટ અને અમરેલી જિલ્લાના સાંકરોલીમાં ૦.૧૦ ફૂટ પાણીની આવક થઇ છે.