રાજકોટમાં આજે હવામાન વિભાગ દ્વારા ઓરેન્જ એલર્ટ આપવામાં આવ્યું છે. ત્યારે હવામાન વિભાગની આગાહી અનુસાર શહેરમાં બપોર પછી અઢી વાગ્યે આકાશ કાળા ડિબાંગ વાદળોથી ઘેરાયું હતું. જોતજોતામાં જ ભારે પવન ફૂંકાવવાનું શરૂ થયું હતું. બાદમાં ધોધમાર વરસાદ વરસી રહ્યો છે. વીજળીના કડાકા ભડાકાથી લોકોમાં ભયનો માહોલ જોવા મળી રહ્યો છે. ધોધમાર વરસાદથી રસ્તાઓ પાણી પાણી થયા છે. 

ભારે વરસાદથી રસ્તાઓ પાણી પાણી થઈ ગયા

મળતી માહિતી પ્રમાણે શહેરના કાલાવડ રોડ, 150 ફૂટ રિંગ રોડ, રેસકોર્સ, યાજ્ઞિક રોડ, માધાપર ચોકડી, જંક્શન, રેલનગર, યુનિવર્સિટી રોડ, અમિન માર્ગ, રૈયા ચોકડી, ગાંધીગ્રામ, બજરંગવાડી, આનંદ બંગલા, રાજનગર ચોક, ભક્તિનગર સર્કલ. સોરઠિયા વાડી સર્કલ સહિતના વિસ્તારોમાં મેઘગર્જના સાથે ધોધમાર વરસાદ વરસી રહ્યો છે. માત્ર 20 મિનિટમાં જ ધોધમાર વરસાદ વરસ્યા બાદ હાલ ધીમીધારે વરસાદ વરસી રહ્યો છે. ભારે વરસાદથી રસ્તાઓ પાણી પાણી થઈ ગયા છે.