યુપીમાં હ્રદય કંપાવતી ઘટના : સંતકબીરનગરમાં બે બહેનો સહિત 5 સગીરાના તળાવમાં ડૂબવાથી મોત

સંતકબીરનગર જિલ્લાના બખીરા અને દુધરા વિસ્તારમાં મંગળવારે પાંચ સગીરાના તળાવમાં ડૂબી જવાથી મોત થયા હતા. બખિરા તળાવમાં નહાવા ગયેલી બડગાંવ ગામની ચાર સગીરામાંથી 3ના મોત થયા છે જ્યારે એકને મહેંદવાલ સીએચસીમાં દાખલ કરવામાં આવી છે. ત્યારે દુધરા પોલીસ સ્ટેશન વિસ્તારના ખાટિયાવાણ ગામની બે સગી બહેનો, જેઓ ડાંગરની રોપણી કરવા ગઈ હતી, તે લપસીને તળાવમાં ડૂબી ગઈ, જેના કારણે તેઓનું મૃત્યુ થયું.

બખીરા પોલીસ સ્ટેશન વિસ્તારના બડગો ગામના રહેવાસી દિલીપની પુત્રી પાયલ (12), મકસુદન નિષાદની પુત્રી મીનાક્ષી (15), રામનેવાસની પુત્રી અર્ચના (17) અને રમેશની પુત્રી કાજલ (14) બખીરા મંગળવારે સાંજે લગભગ 4 વાગ્યે તળાવમાં ન્હાવા ગઈ હતી. ચારેય ઊંડા પાણીમાં ગયા બાદ ડૂબવા લાગી હતા.

સગીરાઓની ચીસોનો અવાજ સાંભળીને થોડે દૂર આવેલા મંદિરમાં હાજર ગ્રામજનો તળાવ તરફ દોડી આવ્યા હતા. ગામલોકો પહોંચ્યા ત્યાં સુધીમાં એક છોકરી બચાવી લેવા આજીજી કરી રહી હતી. ચારેયને તળાવમાંથી બહાર કાઢીને સીએચસી મેંહડાવલમાં લઈ જવામાં આવ્યા હતા જ્યાં ડોક્ટરોએ મીનાક્ષી, પાયલ અને અર્ચનાને મૃત જાહેર કરી હતા જ્યારે કાજલને દાખલ કરવામાં આવી હતી.

ત્રણ કલાકની શોધખોળ પછી, બીજી બહેનનો નશ્વર દેહ લોહરૌલી/સેમરિયાવાનમાંથી મળી આવ્યો હતો. રાજેન્દ્ર યાદવની પુત્રી પ્રમિલા (17) અને ઉર્મિલા (15) નામની બે સગી બહેનો દુધરા પોલીસ સ્ટેશન વિસ્તારના ખાટિયાવાનમાં તળાવની બાજુમાં આવેલા ખેતરમાં ડાંગર રોપવા ગઈ હતી.

રેલિંગ ન હોવાથી પ્રમિલા અને ઉર્મિલાનો પગ લપસી ગયો અને બંને તળાવમાં પડી ગયા. લગભગ 15 ફૂટ ઊંડા પાણીમાં ડૂબી જતાં બંનેના મોત થયા હતા. અકસ્માતની જાણ થતા જ ગામલોકો એકઠા થઈ ગયા હતા અને બંને સગીરાની શોધખોળ શરૂ કરી હતી. થોડી જ વારમાં પ્રમિલાનો મૃતદેહ મળી આવ્યો પણ ઉર્મિલાને શોધવામાં ત્રણ કલાક જેટલો સમય લાગ્યો હતો.