Apple  બાદ હવે googleએ ભારતમાં પોતાના સ્માર્ટફોનનું ઉત્પાદન શરૂ કરી દીધું છે. કંપનીએ ભારતીય બજારમાં Pixel 8નું ઉત્પાદન શરૂ કરી દીધું છે. કંપનીએ ગત વર્ષે google for india  ઇવેન્ટમાં આની જાહેરાત કરી હતી. હવે કંપનીએ પોતાના ફોનનું પ્રોડક્શન શરૂ કરી દીધું છે.

કંપની ભારતીય બજાર અને વૈશ્વિક બજારમાં તેના નવા Pixel સ્માર્ટફોન લોન્ચ કરવા જઈ રહી છે. કંપની પોતાનો નવો ફોલ્ડિંગ ફોન પણ લોન્ચ કરશે. આ પહેલીવાર હશે જ્યારે google  ભારતીય બજારમાં ફોલ્ડિંગ ફોન લોન્ચ કરશે.

ભારતમાં જ બનશે Google Pixel ફોન

Googleએ જાહેરાત કરી છે કે, ભારતમાં તેમના પ્રથમ મેડ ઈન ઈન્ડિયા Google પિક્સેલ 8 સ્માર્ટફોન સાથે તેમની પ્રોડક્શન લાઇન શરૂ થઈ છે. ટેક્નોલોજી જાયન્ટે આ માટે કેન્દ્રીય મંત્રી અશ્વિની વૈષ્ણવનો પણ આભાર માન્યો છે.

અગાઉ એવું અનુમાન લગાવવામાં આવી રહ્યું હતું કે, Pixel 8નું પ્રોડક્શન આ વર્ષના બીજા ક્વાર્ટરમાં શરૂ થશે. ભારત સરકાર દેશમાં મેન્યુફેક્ચરિંગને પ્રોત્સાહન આપવા માટે સતત પ્રયાસ કરી રહી છે. આ પહેલા Appleએ ભારતમાં પણ તેનું ઉત્પાદન શરૂ કર્યું હતું. કંપની હવે ભારતમાં પણ તેના લેટેસ્ટ ફોનનું ઉત્પાદન કરી રહી છે.

ત્યારે Googleના ઉત્પાદનની શરૂઆત સાથે તે પણ સ્પષ્ટ થઈ ગયું છે કે, કંપની ભારતીય બજાર વિશે શું વિચારી રહી છે. Googleએ હજુ સુધી તેના સ્થાનિક ઉત્પાદક વિશે માહિતી આપી નથી. તાજેતરમાં, કંપનીએ ઑફલાઇન માર્કેટમાં તેની હાજરી વધારવા માટે રિલાયન્સ ડિજિટલ સ્ટોર અને ક્રોમા સાથે ભાગીદારી કરી છે.

ભારતમાં મેન્યુફેક્ચરિંગ શરૂ થયા બાદ બજાર પર તેની શું અસર થશે તે પણ જોવાનું રહેશે. શું કંપની તેની કિંમતો ઘટાડે છે કે નહીં? જો અહેવાલોનું  માનીએ તો, Google Pixel ફોન ભારતમાં ડિક્સન ટેક્નોલોજી દ્વારા બનાવવામાં આવશે. કંપનીએ હજુ સુધી આ વાતની પુષ્ટિ કરી નથી.

કંપની ભારતમાં દર મહિને એક લાખ યુનિટનું ઉત્પાદન કરવાની યોજના બનાવી રહી છે. 13 ઓગસ્ટના રોજ, કંપની તેની Pixel 9 સીરીઝ અને ફોલ્ડને વૈશ્વિક બજારમાં લોન્ચ કરશે. આ ફોન ભારતીય બજારમાં 14 ઓગસ્ટે લોન્ચ થશે.