મેટોડામાં મામાના ઘરે વેકેશન કરવા આવેલી મોટી પાનેલીની 10 વર્ષીય બાળકીનું ઝાડા-ઉલ્ટી થતા મોત નીપજ્યું છે.

બનાવની મળતી વિગત મુજબ મોટી પાનેલી ગામે રહેતી અને ધો.5માં અભ્યાસ કરતી પૂર્વીશા મહેશભાઈ બગડા (ઉ.વ.10)ની બાળકી બે-ત્રણ દિવસથી મેટોડામાં રહેતા મામાના ઘરે વેકેશન કરવા માટે આવી હતી દરમિયાન તાવ અને ઉલ્ટી થતા નજીકના દવાખાનામાંથી દવા લીધી હતી. જે બાદ પણ તબિયત ન સુધરતા રાજકોટની ઝનાના હોસ્પિટલમાં દાખલ કરવામાં આવી હતી દરમિયાન ચાલુ સારવારે રાત્રીના આંખ મીંચી લેતા પરિવારમા કલ્પાંત સર્જાયો હતો. બનાવ અંગે હોસ્પિટલ સ્ટાફ દ્વારા મેટોડા પોલીસને જાણ કરવાં આવતા પોલીસે હોસ્પિટલ પહોંચી જરૂરી કાર્યવાહી કરી હતી. મૃતક બાળકીન પિતા મહેશભાઈ મજૂરી કામ કરે છે. પુત્રીના મૃત્યુથી પરિવાર શોકમાં ગરકાવ થયો છે.