દેશના બધા નાગરિકોને મફત રસી: કેન્દ્રને બુધ્ધિ આવી

  • October 28, 2020 02:04 AM 1092 views

બિહાર વિધાનસભા ચૂંટણી માટે ભારતીય જનતા પાર્ટીએ પોતાના સંકલ્પ પત્રમાં મફતમાં કોરોના રસી ની વચન આપ્યું છે. આ વચન બાદ દેશમાં એક અલગ પ્રકારની જંગ છેડાઇ છે. કેટલાંય વિપક્ષી દળ અને રાજ્ય સરકારોએ તેના પર પ્રશ્ન ઉભો કર્યો છે આ બધાની વચ્ચે કેન્દ્રીય મંત્રી પ્રતાપ સારંગીનું મોટું નિવેદન આવ્યું છે. કેન્દ્રીય મંત્રી પ્રતાપ સારંગીનું કહેવું છે કે માત્ર બિહાર નહીં પરંતુ દેશના દરેક નાગિરકને કોરોનાની રસી મફતમાં મળશે.


ઓરિસ્સાના બાલાસોરમાં કેન્દ્રીય મંત્રી પ્રતાપ સારંગી એ કહ્યું કે પીએમ મોદી આ વાતને કહી ચૂકયા છે કે તમામને કોરોનાની રસી મફતમાં મળશે. એક વ્યક્તિને રસી આપવાનો ખર્ચ પાંચસો રૂપિયા આવશે. બાલાસોરમાં પેટાચૂંટણી થવાની છે અને ત્યાં પ્રતાપ સારંગી પ્રચાર માટે ગયા હતા.


પ્રધાનમંત્રી નરેન્દ્ર મોદીએ દેશના નામે પોતાના સંબોધનમાં કોરોના રસી અંગે ચચર્િ કરી હતી. પીએમ એ કહ્યું હતું કે ભારતના વૈજ્ઞાનિક તેના પર કામ કરી રહ્યા છે અને પરિણામ ટૂંક સમયમાં જ આપણા હકમાં હશે.


ઉલ્લેખનીય છે કે બિહારમાં ભાજપ્ના વાયદા બાદ કેટલીક રાજકીય પાર્ટીઓએ આ નીતિ પર પ્રશ્નો કયર્િ હતા. કોંગ્રેસ સહિત કેટલાંય વિપક્ષી દળોએ પૂછયું હતું કે શું દેશમાં કોવિડ વેક્સીન રાજ્યોમાં થનાર ચૂંટણીના હિસાબથી મળશે. સરકારને દેશની સામે કોવિડ વેક્સીનની ફાળવણીની નીતિ મૂકવી જોઇએ અને તમામને મફતમાં આપવી જોઇએ.


અત્યાર સુધીમાં તામિલનાડુ, મધ્યપ્રદેશ, અસમ, પુડ્ડુચેરીની રાજ્ય સરકારોએ પોતાના નાગરિકો માટે મફત રસીની જાહેરાત કરી છે. તો દિલ્હીના મુખ્યમંત્રી અરવિંદ કેજરીવાલે આખા દેશમાં મફત રસી આપવાની અપીલ કરી છે. આપ્ને જણાવી દઇએ કે કેન્દ્ર સરકારે કોવિડ રસીની ફાળવણીની નીતિ પર કામ કરવાનું શરૂ કરી દીધું છે. એક અંદાજ પ્રમાણે સરકાર અત્યાર સુધીમાં 50 હજાર કરોડ રૂપિયાના બજેટનો અંદાજો લગાવ્યો છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  9978984740  

View News On Application