સોલેરીયમવાળી ગલીમાં પોલીસ પ્રગટી : મોબાઇલ અને રોકડ કબ્જે

જામનગરમાં સોલારિયમ વિસ્તારમાં જાહેરમાં ઊભા રહીને મોબાઈલ ફોન ની એપ્લિકેશન મારફતે લુડો નામની ગેમ પર રૂપિયાની હારજીતનો જુગાર રમી રહેલા ચાર રીક્ષા ચાલકોને પોલીસે પકડી પાડ્યા છે, અને મોબાઈલ ફોન તેમજ રોકડ રકમ કબજે કરી છે.
જામનગરના સોલેરિયમ પાસે કેટલાક રીક્ષા ચાલકો ઉભા રહીને મોબાઈલ ફોનમાં લુડો ની ગેમ પર જુગાર રવી રહ્યા છે તેવી ચોક્કસ બાતમી સીટી-બી પોલીસને મળી હતી આથી પોલીસે સોલેરીયમ વિસ્તારમાં દરોડો પાડયો હતો.


દરોડા દરમિયાન  મોબાઇલ ફોનમાં જુગાર રમી રહેલા કૌશલનગર બ્લોક નં. ૨૦૪માં રહેતા જતીન ઉર્ફે જીત રાજેશભાઈ મહેતા, ડેન્ટલ કોલેજ સામેની ગલીમાં રહેતા યાસીન યુસુફભાઈ સંધી, અશરફ ઉર્ફે જોન્ટી અબ્દુલભાઈ શેખ અને વિનાયકપાર્કમાં રહેતા નિમિષ નરેન્દ્ર ભાઈ મોડ નામના ચાર રિક્ષાચાલકોની પોલીસે અટકાયત કરી લઈ, તેઓ પાસેથી ૨,૭૨૦ ની રોકડ રકમ અને મોબાઈલ ફોન સહિત ૧૧,૨૨૦ ની માલમતા કબજે કરી છે.
​​​​​​​