ભાજપના વરિષ્ઠ નેતા અને પૂર્વ નાયબ વડાપ્રધાન લાલકૃષ્ણ અડવાણીની તબિયત ફરી લથડી છે. તેમને દિલ્હીની એપોલો હોસ્પિટલમાં દાખલ કરવામાં આવ્યા છે. જો કે તેમની હાલત સ્થિર છે. 96 વર્ષીય લાલ કૃષ્ણ અડવાણી હાલમાં ડૉક્ટરના નિરીક્ષણ હેઠળ છે.

ગત મહિને પણ હોસ્પિટલમાં થવું પડ્યું હતું દાખલ

96 વર્ષિય અડવાણીને આજે દિલ્હીની એપોલો હોસ્પિટલમાં દાખલ કરવામાં આવ્યા હતા, હોસ્પિટલના એક સૂત્રના જણાવ્યા અનુસાર, જુલાઈના પ્રથમ સપ્તાહમાં, અડવાણીને આ હોસ્પિટલમાં દાખલ કરવામાં આવ્યા હતા અને બે દિવસ સુધી તબીબી નિરીક્ષણ હેઠળ રાખવામાં આવ્યા બાદ (હોસ્પિટલમાંથી) રજા આપવામાં આવી હતી. તેમને ન્યુરોલોજી વિભાગના સિનિયર કન્સલ્ટન્ટ ડો. વિનીત સૂરીની દેખરેખ હેઠળ રાખવામાં આવ્યા હતા.

આ પહેલા અડવાણીને ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં દાખલ કરવામાં આવ્યા હતા અને ત્યાં એક રાત રાખ્યા બાદ તેમને હોસ્પિટલમાંથી રજા આપવામાં આવી હતી.