ઈન્ડિગો એરલાઇન્સ ની આ બંને ફ્લાઈટ માટે અત્યારથી જ પેસેન્જરોની ઇન્કવાયરી,ટીકીટ બુકીંગ શરૂ:3000 થી 4500 ટિકિટના ભાવ

સૌરાષ્ટ્રમાંથી ઈન્દોર અને ઉદયપુર માટે વિમાની સેવા શરૂ કરવા માટે મુસાફરો ઉપરાંત વેપારીઓ અને ઇન્ડસ્ટ્રીઝ એસોસિએશન દ્વારા પણ અનેક વખત રજૂઆત કરવામાં આવી હતી. રાજકોટ તેમજ સૌરાષ્ટ્ર થી શ્રીનાથજી અને ઉદયપુર જવા માટેનો ટ્રાફિક હોવાના લીધે આ ફ્લાઈટમાં અત્યારથી જ બુકિંગ શરૂ કરી દેવામાં આવ્યું છે આ બંને રૂટ પર 3,000 થી લઈ 4500સુધીના ટિકિટના ભાવ ચાલી રહ્યા છે.

ઈન્ડિગો એરલાઇન્સ એ જણાવ્યા મુજબ સવારે આઠ વાગ્યાની આસપાસ આ બંને ફ્લાઈટનો સ્લોટ ફાળવવામાં આવશે. ઉદયપુર અને શ્રીનાથજી માટે ભાવિકો ની વધુ સંખ્યા અને ઇન્દોર માટે વેપારીઓ નું આવાગમન વધુ રહેતું હોવાથી આ બંને ફ્લાઈટ પણ મુંબઈ અને દિલ્હીની જેમ હાઉસફુલ રહેશે તેવા એંધાણ મળી રહ્યા છે.

આ બંને ફ્લાઈટના સમય આ મુજબ છે જેમાં ઇન્દોર થી રાજકોટ સવારે 6:30 કલાક ફલાઇટ લેન્ડ થશે, રાજકોટ થી ઇન્દોર માટે બપોરે 11.55 મિનિટ ફલાઇટ જશે. જ્યારે ઉદયપુર માટે રાજકોટ થી સવારે 8. 44 મિનિટે ઉડાન ભરી 9. 55 મિનિટે ઉદેપુર પહોંચશે.