દેશભરમાં ઉજવાઈ રહેલા નવરાત્રીના પર્વમાં ઘણા લોકો ઉપવાસ પણ કરતા હશે ત્યારે તમે પણ જો ફરારમાં કંઇક અલગ અને સ્વાદિષ્ટ ખાવાનું વિચારી રહ્યા હોવ તો જલ્દી થી શીખીલો આ ફરાળી ભજીયાની રેસીપી જે કોઈ પણ જંજટ વગર ફટાફટ બનવાની સાથે તમારી ભૂખ પણ સંતોષશે.

 સામગ્રી 

*1 વાડકી રાજગરાનો લોટ 
*2 નંગ લીલા મરચા (ઝીણા સમારેલા)
*1 ચમચી તલ
*3 નંગ બટાકા(મિડિયમ સાઈઝ)
*2 ચમચી આદુ (છીણેલુ)
*1 ચમચી લાલ મરચુ પાવડર
*1 ચમચી મરી પાવડર
*1 ચમચી જીરૂ પાવડર
*1 ચમચી લીંબુનો રસ
*સ્વાદ અનુસાર સિંધવ નમક
*તળવા માટે તેલ

ભજીયા બનાવવાના ખીરુંની રીત 

સૌ પ્રથમ બટાકાને બાફી લો ધોઈ લો, ત્યારબાદ બટાકાની છાલ ઉતારી તેને ઝીણી ખમણી વડે છીણી પાણી વડે ધોઈ બધુ પાણી હાથ વડે દબાવી કાઢી લેશું, હવે એક બાઉલમાં રાજગરાનો લોટ નાખી તેમાં બટાકાનું ખમણ નાખો, ત્યારબા ઉપર બતાવેલ સમગ્ર સામગ્રી ઉમેરી બધુ બરાબર રીતે મીક્ષ કરો, ત્યારબાદ પાણી નાખી ફરી બધુ બરાબર મીક્ષ કરો. અને તૈયાર છે તમારા ભજીયાનું ખીરું.

ફરાળી ભજીયા બનાવવાની રીત 

 સૌ પ્રથમ એક કડાઈમાં તેલ ગરમ કરવા મુકો, તેલ ગરમ થાય એટલે એક ચમચી વડે ત્યાર કરેલા ખીરૂમાંથી ભજીયા પાડો, ભજીયા  વચ્ચે વચ્ચે પલટાવતા રહો, જેથી તે બન્ને બાજુ બરાબર પાકી જાય. ભજીયા બ્રાઉન રંગ પકડે એટલે તેને  એક પ્લેટમાં કાઢી લો. ત્યાર થયેલા રાજગરાના ફરાળી ભજ્યા તમે ખજુર અને આમલીની ચટણી તેમજ દહી સાથે ખાઈ શકો છો.