જામનગરની સરકારી જી.જી. હોસ્પિટલમાં તમામ ૨૫૧ કુપોષિત બાળકોની ફરી આરોગ્યની ચકાસણી કરાવાઈ
જામનગર તા ૨૧, ભારતીય જનતા પાર્ટીના કુપોષિત બાળકોને દત્તક લેવાના સૂત્રને સાર્થક કરતા જામનગર દક્ષિણ વિધાનસભા વિસ્તારના ધારાસભ્ય દિવ્યેશભાઈ અકબરી દ્વારા પોતાના જન્મદિવસ થી એક વર્ષ માટે જામનગર મહાનગરપાલિકા સંચાલિત આંગણવાડીના કુપોષિત ૨૫૧ બાળકોને દત્તક લેવાની અને સતત આખું વર્ષ તેમની પોષણની ચિંતા કરવાની જવાબદારી સહર્ષ સ્વીકારવામાં આવી હતી, જેના અનુસંધાને ગઈકાલે સતત ચોથી વખત તમામ કુપોષિત બાળકોને પોષણયુક્ત ખોરાક સહિતની કીટ નું વિતરણ કરવામાં આવ્યું હતું, એટલું જ માત્ર નહીં તમામ બાળકોની જામનગરની સરકારી જી.જી. હોસ્પિટલમાં ફરીથી આરોગ્યની ચકાસણી પણ કરાવાઈ હતી.
જામનગર શહેરમાં હાકલ કરો ત્યારે હાજર ના 'જીંગલ' થી લોકોમાં પ્રચલિત થયેલા જામનગરના ૭૯- વિધાનસભા વિસ્તારના ધારાસભ્ય દિવ્યેશભાઈ અકબરી, કે જેઓ પોતાના જનસંપર્ક કાર્યાલયમાં ઉપસ્થિત રહી સતત પોતાના વિસ્તારના નાગરિકોની ચિંતા કરી રહ્યા છે, સાથે સાથે ભારતીય જનતા પાર્ટીના કુપોષિત બાળકોને દત્તક લેવાના સૂત્રને પણ સાર્થક કરી રહ્યા છે.
જે વચન પૂર્ણ કરવા માટે તેઓએ ગઈકાલે સતત ચોથી વખત કુપોષિત બાળકોના વિસ્તારમાં જઈ તેઓનો રૂબરૂ સંપર્ક કર્યો હતો, અને સ્થાનિક વિસ્તારના આગેવાનો વગેરેને સાથે રાખીને નાના ભૂલકાઓની ચિંતા કરી હતી.
૭૯-વિધાનસભા વિસ્તારના ધારાસભ્ય દિવ્યેશભાઈ અકબરી દ્વારા જામનગર મહાનગરપાલિકાના ૭૯- વિધાનસભા વિસ્તારમાં આવેલા વોર્ડ નંબર ૭, ૮, ૯,૧૦,૧૨,૧૩,૧૪,૧૫, અને ૧૬ માં આવેલી જુદી જુદી આંગણવાડીઓમાં ભારતીય જનતા પાર્ટીના વોર્ડના પ્રમુખ અને મહામંત્રી, સ્થાનિક કોર્પોરેટર તેમજ અગ્રણી કાર્યકરોની સાથે રહીને પોષણ આહાર કીટનું વિતરણ કરવામાં આવ્યું હતું.
જે પૈકી વોર્ડ નંબર ૯ માં ભરવાડ પા વિસ્તારમાં આવેલા આંગણવાડી કેન્દ્રમાં ધારાસભ્ય દિવ્યેશભાઈ અકબરીની સાથે જામનગર મહાનગરપાલિકાના શાસક જૂથના નેતા કુસુમબેન પંડ્યા, સ્થાનિક કોર્પોરેટર નિલેશભાઈ કગથરા, ધીરેનભાઈ મોનાણી, ઉપરાંત વોર્ડ નાં ૧૪ ના કોર્પોરેટર કેતનભાઇ નાખવા, પૂર્વ કોર્પોરેટર આકાશભાઈ બારડ, વોર્ડ નાં ૯ના પ્રમુખ ભાવેશભાઈ કોઠારી, વોર્ડ મહામંત્રી ચીનાભાઈ ચોટાઈ તેમજ અન્ય સ્થાનિક કાર્યકરો જોડાયા હતા, જે ઉપરોક્ત તસવીરમાં નજરે પડે છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆસામમાં પૂરને કારણે હાહાકાર, 58 લોકોએ ગુમાવ્યા જીવ, હજારો લોકોના ઘર પાણીમાં ડૂબ્યા
July 07, 2024 04:39 PMKulgam Encounter: સુરક્ષા દળોનું મોટું ઓપરેશન, અત્યાર સુધીમાં છ આતંકીઓનો ખાત્મો
July 07, 2024 04:37 PMરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMCopyright © 2023-2024 Aajkaal Daily
Developed by Rhythm Infotech