3,00,000 કેસ: કોરોનાએ ભારતમાં જૂના રેકોર્ડ તોડ્યા

  • April 21, 2021 09:25 PM 
Aajkaal Daily (Desh Pardesh Ni Aajkaal)

એક જ દિવસમાં 2021ના મોત: નવા કેસની સાથે મૃત્યુઆંકમાં થઈ રહ્યો છે વધારો

 



ભારતમાં એક જ દિવસમાં 2.94 લાખ કોરોનાના નવા કેસ આજે નોંધાયા છે, આ સાથે દેશમાં પહેલીવાર કોરોનાના દર્દીઓનો મૃત્યુઆંક 2000ને પર પહોંચી ગયો છે. એક જ દિવસમાં આંક 3 લાખ વધુ ચિંતા વધી ગઇ છે.

 


આજે ભારતમાં 2,94,291 નવા કેસ નોંધાયા છે, એટલે કે પહેલી લહેરમાં 17 સપ્ટેમ્બરે પીક પર પહોંચેલા 98,795 કરતા ત્રણ ગણા વધુ કેસ નોંધાયા છે. એક દિવસમાં દુનિયામાં સૌથી વધુ કેસ નોંધાવનાર અમેરિકા છે, જ્યાં વર્લ્ડોમીટર.ઈન્ફો મુજબ 8 જાન્યુઆરીએ 3,07,570 નવા કેસ નોંધાયા છે.24 કલાકમાં 2021 લોકોના મૃત્યુ પણ થયા છે.
દેશમાં પોઝિટિવિટી રેટ 19% સાથે ટોચ પર પહોંચ્યો છે, આ પરથી એવું માનવામાં આવી રહ્યું છે કે ટૂંક સમયમાં કોરોનાના ડેઈલી કેસનો આંકડો 3 લાખને પાર થઈ જશે. દિલ્હીમાં પોઝિટિવિટી રેટ 32% નોંધાયો છે, જે દિલ્હીના 25% અને મહારાષ્ટ્ર અને ઝારખંડના 20% પોઝિટિવિટી રેટ કરતા ઘણો ઊંચો છે.

 


કોરોનાના કેસની સાથે-સાથે મૃત્યુઆંકમાં પણ વધારો નોંધાઈ રહ્યો છે. ભારતમાં જૂના રેકોર્ડ તોડીને 24 કલાકમાં 2,021નાં મોત થયા છે. જેમાંથી મહારાષ્ટ્રમાં 519, દિલ્હીમાં 277, છત્તીસગઢમાં 191, ઉત્તરપ્રદેશમાં 162, કણર્ટિકામાં 149, ગુજરાતમાં 121 લોકોએ કોરોનાના લીધે જીવ ગુમાવ્યો છે. ભારતમાં કોરોનાની શરુઆત થયા બાદ પહેલીવાર દેશના 6 રાજ્યોમાં 100થી વધુ દર્દીઓએ એક દિવસમાં જીવ ગુમાવ્યો છે.

 

 


આજે 15 રાજ્યો અને કેન્દ્ર શાસિત પ્રદેશમાં એક દિવસમાં સૌથી વધુ કેસ નોંધાયા છે. જેમાં દિલ્હીમાં 28,395 નવા કેસ નોંધાયા છે, આ સિવાય કણર્ટિકામાં 21,794, કેરળમાં 19,577, ગુજરાતમાં 12,206, રાજસ્થાનમાં 12,201, તામિલનાડુમાં 10,986, બિહારમાં 10,455, પશ્ચિમ બંગાળમાં 9,819, હરિયાણામાં 7,811, તેલંગાણામાં 5,926, ઝારખંડમાં 4,969, ઓડિશામાં 4,761, ઉત્તરાખંડમાં 3,012, જમ્મુ અને કાશ્મીરમાં 2,030, ગોવામાં 1,160 કેસ નોંધાયા છે.

 


આ સિવાય કોરોનાથી સૌથી વધુ ઘેરાયેલા રાજ્યની વાત કરીએ તો મહારાષ્ટ્રમાં 62,097 નવા કેસ નોંધાયા છે, મુંબઈમાં વધુ નવા 7,192 કેસ નોંધાયા છે. મહારાષ્ટ્રમાં 519 લોકોએ પાછલા 24 કલાકમાં કોરોનાના કારણે જીવ ગુમાવ્યો છે, જે અત્યાર સુધીના સૌથી વધુ છે. આ પહેલા 15 સપ્ટેમ્બરના રોજ 515 દર્દીઓએ જીવ ગુમાવ્યો હતો.
ઉત્તરપ્રદેશમાં પણ સતત કોરોના કેસમાં વધારો નોંધાઈ રહ્યો છે, અહીં 29,754 કેસ નોંધાયા હતા, જે રવિવારે નોંધાયેલા રેકોર્ડ બ્રેક 30,596ની નજીક હતા. છત્તીસગઢમાં 15,626 નવા કેસ નોંધાયા છે, જે રવિવારે નોંધાયેલા રેકોર્ડ બ્રેક 16,083 પછી બીજા નંબરે રહ્યા છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021