જામનગર મહાપાલિકા દ્વારા જુના રેલ્વે સ્ટેશન પાસે મંજુરી વિના બંધાયેલી ૧૦ દુકાનોના પ્રશ્ર્ને કોર્પોરેશને નોટીસ આપ્યા બાદ હવે આ મામલો કોર્ટમાં પહોંચ્યો છે અને તા.૬ જાન્યુઆરીના રોજ આ અંગે સુનાવણી થશે. 


જુના રેલ્વે સાઇડીંગવાળી જગ્યામાં ૨૦૨૦માં ૧૫ દુકાનોનું બાંધકામ થયું હતું, ત્યારબાદ મંજુરી ન હોવાના કારણે એસ્ટેટ શાખાએ આ તમામ દુકાનો તોડી પાડી હતી, એ જ સ્થળ પર ૨૦૨૨માં ફરીથી ૧૦ દુકાનોનું નિર્માણ થઇ રહ્યું છે એવી જાણ ટીપીઓ શાખાને થતાં આ અંગે નોટીસ આપવવામાં આવી હતી, દરમ્યાન વરસાદી પાણીના નિકાલમાં અવરોધના મુદે સ્થાનિક અદાલતમાં એક આસામી દ્વારા દાવો દાખલ કરવામાં આવતા કોર્ટે હવે કોર્પોરેશનને આ મામલે નોટીસ પાઠવી છે. 
​​​​​​​