સ્પેશીયલ ખેલ મહાકુંભ ૩.૦ 
જામનગરમાં અંધજન વિવિધલક્ષી તાલીમ કેન્દ્ર ખાતે દિવ્યાંગ ખેલાડીઓ માટે જીલ્લા કક્ષાની ચેસ સ્પર્ધા યોજાઈ

જામનગર તા.૨૮ જાન્યુઆરી, ગુજરાત રાજ્ય સરકારના રમત-ગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરીટી ઓફ ગુજરાત ગાંધીનગર દ્વારા આયોજીત અને જિલ્લા રમત ગમત અધિકારી, જામનગર ગ્રામ્ય દ્વારા સંચાલીત દિવ્યાંગ ખેલાડીઓ માટે સ્પે. ખેલ મહાકુંભ ૩.૦ ૨૦૨૪-૨૫ અંતર્ગત જિલ્લાકક્ષાની તમામ વયજૂથ માટેની અંધજન કેટેગરીની ચેસ સ્પર્ધા અંધજન વિવિધલક્ષી તાલીમ કેન્દ્ર જામનગર ખાતે યોજવામાં આવી હતી. જિલ્લા રમત ગમત અધિકારી - જામનગર ગ્રામ્ય અને નેશનલ એશોસીએશન ફોર ધી બ્લાઇન્ડ - જામનગર શાખા દ્વારા આ આયોજન કરવામાં આવ્યુ હતુ.                                    

આ સ્પર્ધામાં કુલ ૩૫ ખેલાડીઓએ ભાગ લીધેલ હતો. જેમાં દરેક વયજૂથ અને કેટેગરીમાં વિજેતા થયેલાં દિવ્યાંગ ખેલાડીઓ સ્પે. ખેલ મહાકુંભ ૩.૦ ૨૦૨૪-૨૫ ની રાજ્યકક્ષાએ અંધજન કેટેગરીની સ્પર્ધામાં ભાગ લેશે અને પ્રથમ,દ્વિતીય અને તૃતીય ક્રમે વિજેતા ટીમને ઇનામ રૂપી રોકડ પુરસ્કાર આપવામાં આવશે.