ભારતમાં કોરોનાના વધતા કેસને બ્રેક: સતત બીજા દિવસે 3.5 લાખની અંદર

  • May 12, 2021 12:05 PM 
Aajkaal Daily (Desh Pardesh Ni Aajkaal)

કેસમાં ઘટાડો થયો ત્યારે મૃત્યુઆંકે રેકોર્ડ તોડ્યો



ભારતમાં કોરોનાના એક્ટિવ કેસનો આંકડો સતત ત્રીજા દિવસે નીચો આવ્યો છે, આવું માર્ચ પછી પહેલીવાર બન્યું છે. કોરોનાના નવા કેસનો આંકડો પીક પર પહોંચ્યા પછી હવે નીચે આવી રહ્યો હોવાનું અનુમાન લગાવવામાં આવી રહ્યું છે. ભારતમાં હાલ કોરોનાની બીજી લહેર ચાલી રહી છે.

 


જોકે, ફરી એકવાર ભારતમાં કોરોનાથી થતા મૃત્યુના આંકમાં વધારો થયો છે, આજે દેશમાં કોરોનાના લીધે 4,205 દર્દીઓએ જીવ ગુમાવ્યો છે. જે અત્યાર સુધીનો એક દિવસમાં થયેલા મૃત્યુનો સૌથી મોટો આંકડો છે. આ પહેલા શુક્રવારે 4,187 લોકોના જીવ ગયા હતા. ભારતમાં કોરોનાથી થયેલા મૃત્યુનો આંકડો 2.5 લાખને પાર કરી ગયો છે, જેમાંથી 50,000 જેટલા મોત 3,528ની એવરેજ સાથે પાછલા 14 દિવસમાં થયા છે.

 


સતત બીજા દિવસે એક દિવસમાં નોંધાતા કોરોનાના નવા કેસનો આંકડો 3.5 લાખની નીચે રહ્યો છે, આજે દેશમાં વધુ 3,48,371 કેસ નોંધાયા છે. એક્ટિવ કેસમાં પણ ઘટાડો નોંધાયો છે. મહારાષ્ટ્રમાં બે દિવસ મૃત્યુઆંક 600ની નીચે રહ્યા બાદ 793 નવા મૃત્યુ નોંધાયા છે. આ સિવાય 9 રાજ્યો અને કેન્દ્ર શાસિત પ્રદેશોમાં અત્યાર સુધીના સૌથી વધુ મૃત્યુ નોંધાયા છે. જેમાં તામિલનાડુમાં મૃત્યુઆંક 241થી વધીને 298 નોંધાયો છે.

 


ભારતમાં કોરોનાના કેસ સતત 3 દિવસ સુધી ચાર લાખને પાર ગયા બાદ તેમાં સતત ત્રણ દિવસથી આંકડો 4 લાખની નીચે નોંધાઈ રહ્યો છે, જોકે, ગઈકાલે જાહેર કરાયેલા આંકડામાં નવા કેસ 3,29,942 પર પહોંચ્યા હતા, જ્યારે પાછલા 24 કલાકમાં 3,48,371 નવા કેસ નોંધાયા છે.

 


બીજી તરફ કેરળ, કણર્ટિકા, તામિલનાડુ, પશ્ચિમ બંગાળ, પંજાબ અને ગોવા જેવા રાજ્યોમાં રોજ નોંધાતા કોરોના કેસની સંખ્યામાં વધારો નોંધાયો છે. લગભગ 26 રાજ્યોમાં પોઝિટિવિટી રેટ 15% કરતા વધુ છે, જેમાંથી 9 રાજ્યોમાં પોઝિટિવિટી રેટ 25% કરતા પણ વધારે છે.

 


કેન્દ્ર દ્વારા રાજ્ય સાથે થતી ચચર્મિાં કોરોનાને રોકવા માટે કડક પગલા ભરવા અંગે જણાવવામાં આવી રહ્યું છે. સરકાર કહે છે કે સતત કોરોનાના બદલાતા ટ્રેન્ડ પર નજર રાખવાની જરુર છે, જેથી કેસને ઝડપથી ડામી શકાય. જ્યાં કેસ સતત વધતા હતા ત્યાં નિયંત્રણો લગાવ્યા બાદ સતત ઘટાડો નોંધાઈ રહ્યો છે.

 


દેશનો કોરોના પોઝિટિવિટી રેટ લગભગ 21% છે અને લગભગ 42% (310/734) જેટલા જિલ્લાઓમાં પોઝિટિવિટી રેટ દેશના પોઝિટિવિટી રેટ કરતા વધુ છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021