aajkaal@team

૪ પાકા બાંધકામવાળી દુકાન,શેડ તેમજ ઓટલા સહિતના ૮થી વધુ દબાણો દૂર કરાયા

ભાવનગર મહાનગરપાલિકા દ્વારા આજે સોમવારે સવારે ભાવનગર શહેરના રેલવે સ્ટેશન વિસ્તારથી અલકા ટોકિઝ રોડ પરના નડતરરૂપ દબાણો જેસીબી વડે હટાવવામાં આવ્યા હતા.આથી દબાણકર્તાઓમાં ફફડાટ ફેલાયો હતો.

શહેરના વિવિધ વિસ્તારોમાં દબાણો ખડકાયા છે તેથી ટ્રાફિકની સમસ્યા દિવસે વિગત બનતી જાય છે આથી ભાવનગર  મહાનગરપાલિકાના દબાણ  હટાવ સેલ દ્વારા શહેરના વિવિધ વિસ્તારોમાંથી દબાણો હટાવવામાં આવી રહ્યા છે .

ભાવનગર મહાનગરપાલિકા દબાણ હટાવ સેલ દ્વારા   આજે સોમવારે સવારે શહેરના રેલવે સ્ટેશન વિસ્તારમાંથી નડતરરૂપ ૪ પાકી બાંધકામવાળી દુકાનોને  જેસીબી વડે હટાવવામાં આવી હતી. આથી દબાણકર્તાઓમાં દોડધામ મચી ગઇ હતી અને ફફડાટ ફેલાયો હતો.

તદુપરાંત રેલ્વે સ્ટેશનથી અલકા ટોકીઝ રોડ પરથી ૨ શેડ અને બે ઓટલાના નડતરરૂપ દબાણો પણ હટાવવામાં આવ્યા હતા.બપોરબાદ શહેરના મોતી તળાવ રોડ પરથી દબાણો હટાવવામાં આવશે તેમ ભાવનગર મહાનગરપાલિકાના આસી.કમિશનર ફાલ્ગુન શાહે જણાવ્યું હતુ.

શહેરમાં છેલ્લા દોઢ માસ ઉપરાંતના સમયથી મ્યુનિસિપલ કમિશનર ની સીધી નિગ્રનીમાં દરરોજ સવારે શહેરના વિવિધ વિસ્તારોમાંથી દબાણો તેમજ રખડતા ઢોર પકડવાની કામગીરી ચાલી રહી છે.જેને નાગરિકોએ આવકારી છે અને તે ચાલુ રાખવા જણાવ્યું છે.