દિલ્હી જૂના રાજેન્દ્ર નગરમાં રાઉ કોચિંગ સેન્ટરના ભોંયરામાં મૃત્યુ સાથે સંબંધિત કેસની સુનાવણી બુધવારે કોર્ટમાં ચાલી રહી છે. સુનાવણી દરમિયાન સીબીઆઈના એડવોકેટે કોર્ટને કહ્યું કે, આ કેસમાં હજુ સુધી એફઆઈઆર નોંધવામાં આવી નથી, એફઆઈઆર નોંધવાની પ્રક્રિયા ચાલી રહી છે. રાઉઝ એવન્યુ કોર્ટે આ કેસમાં સીબીઆઈને નોટિસ પાઠવી હતી. હવે આ કેસની આગામી સુનવણી 9 ઓગસ્ટે થશે.

સુપ્રીમ કોર્ટે કેન્દ્ર અને દિલ્હી સરકારને નોટિસ આપી હતી

રાવ કોચિંગ સેન્ટરના ભોંયરામાં ત્રણ IAS ઉમેદવારોના મૃત્યુના કેસમાં સુપ્રીમ કોર્ટે કેન્દ્ર અને દિલ્હી સરકારને નોટિસ આપી હતી.

SCએ MCDને પણ નોટિસ પાઠવી હતી

સુપ્રીમ કોર્ટે દિલ્હી મ્યુનિસિપલ કોર્પોરેશન (MCD)ને પણ નોટિસ પાઠવી છે. તે જ સમયે, સુનાવણી દરમિયાન, કોર્ટે કહ્યું કે કોચિંગ સેન્ટર્સ ડેથ ચેમ્બર બની ગયા છે.