26/11ના મુંબઈ આતંકી હુમલામાં સામેલ પાકિસ્તાની મૂળના કેનેડિયન બિઝનેસમેન તહવ્વુર રાણાને ટૂંક સમયમાં ભારતને સોંપવામાં આવી શકે છે. રાણાને ભારત લાવવાની પ્રક્રિયા રાજદ્વારી માધ્યમોથી ચાલી રહી છે. ઓગસ્ટ 2024માં યુએસ કોર્ટે ચુકાદો આપ્યો હતો કે બંને દેશો વચ્ચે પ્રત્યાર્પણ સંધિ હેઠળ રાણાને ભારત પ્રત્યાર્પણ કરી શકાય છે. ત્યારથી બંને દેશો વચ્ચે બેક ચેનલ પર વાતચીત ચાલુ છે.
ત્યારબાદ કોર્ટે રાણાની અરજીને ફગાવી દીધી હતી, જેમાં તેણે મુંબઈ આતંકી હુમલામાં તેની સંડોવણી બદલ ભારતમાં પ્રત્યાર્પણનો વિરોધ કર્યો હતો. અદાલતે જણાવ્યું હતું કે ભારતે રાણા વિરુદ્ધ પૂરતા પુરાવા રજૂ કયર્િ છે જે સાબિત કરે છે કે પ્રત્યાર્પણનો આદેશ વાજબી હતો.
26/11ના હુમલાના સંબંધમાં મુંબઈ પોલીસે પોતાની ચાર્જશીટમાં રાણાનું નામ સામેલ કર્યું હતું. તેના પર પાકિસ્તાનની ઈન્ટર-સર્વિસ ઈન્ટેલિજન્સ (આઈએસઆઈ) અને આતંકવાદી સંગઠન લશ્કર-એ-તૈયબાના સક્રિય સભ્ય તરીકે કામ કરવાનો આરોપ છે. ચાર્જશીટમાં એમ પણ કહેવામાં આવ્યું છે કે રાણાએ મુંબઈ હુમલાના માસ્ટરમાઈન્ડ ડેવિડ કોલમેન હેડલીને મદદ કરી હતી, જેણે હુમલા માટે મુંબઈમાં સ્થળોની તપાસ હાથ ધરી હતી.
કોર્ટે કહ્યું કે ભારત અને અમેરિકા વચ્ચેની પ્રત્યાર્પણ સંધિમાં નોન-બીઆઇએસ ઇન ઇડેમ અપવાદ છે. જ્યારે આરોપી પહેલાથી જ સમાન ગુનામાં દોષિત અથવા નિર્દોષ ઠર્યો હોય ત્યારે આ લાગુ થાય છે. જો કે, કોર્ટે એમ પણ કહ્યું હતું કે ભારતમાં રાણા સામેના આરોપો યુએસની અદાલતોમાં તેમની સામે ચલાવવામાં આવેલા કેસો કરતા અલગ છે, તેથી અપવાદમાં બિન-બીઆઈએસ લાગુ પડતું નથી.
26/11ના મુંબઈ આતંકી હુમલાના લગભગ એક વર્ષ બાદ એફબીઆઈ દ્વારા શિકાગોમાં રાણાની ધરપકડ કરવામાં આવી હતી. રાણા અને તેના સાથી ડેવિડ કોલમેન હેડલીએ સાથે મળીને મુંબઈ હુમલા માટેના સ્થળોની તપાસ હાથ ધરી હતી અને પાકિસ્તાની આતંકવાદીઓએ હુમલાને અંજામ આપવા માટે બ્લુ પ્રિન્ટ તૈયાર કરી હતી.