કર્ણાટક પોલીસે ભારતીય જનતા પાર્ટી (BJP)ના રાષ્ટ્રીય અધ્યક્ષ જેપી નડ્ડા અને પાર્ટીના સભ્ય અમિત માલવિયાને બેંગલુરુના હાઈ ગ્રાઉન્ડ પોલીસ સ્ટેશનમાં બોલાવ્યા છે. પોલીસે તેમને કર્ણાટક બીજેપી દ્વારા પોસ્ટ કરવામાં આવેલા ટ્વીટના સંદર્ભમાં હાજર થવા કહ્યું છે. આ ટ્વિટમાં કથિત રીતે SC/ST સમુદાયને નિશાન બનાવવામાં આવ્યો હતો. સમન્સમાં કહેવામાં આવ્યું છે કે, "ઉક્ત કેસની તપાસના હેતુ માટે, તમને આ નોટિસ મળ્યાના સાત દિવસની અંદર સવારે 11 વાગ્યે હાઈ ગ્રાઉન્ડ પોલીસ સ્ટેશનમાં તપાસ અધિકારી સમક્ષ હાજર થવાનો નિર્દેશ આપવામાં આવે છે."
અગાઉ મંગળવારે, પોલીસે સોશિયલ મીડિયા પ્લેટફોર્મ X ને બીજેપી રાજ્ય એકમ દ્વારા શેર કરાયેલ એનિમેટેડ વિડિયોને દૂર કરવા માટે નિર્દેશ આપ્યો હતો. હવે પોલીસે આ નોટિસ એવા સમયે મોકલી છે જ્યારે કર્ણાટક પ્રદેશ કોંગ્રેસ કમિટી (KPCC)એ ચૂંટણી પંચને જેપી નડ્ડા અને બીજેપીના અન્ય નેતાઓ સામે આદર્શ આચાર સંહિતાના કથિત ઉલ્લંઘન બદલ કાર્યવાહી કરવાની માંગ કરી છે.
પાર્ટીના જણાવ્યા અનુસાર, સોશિયલ મીડિયા પર પોસ્ટ કરાયેલા એક વીડિયોમાં કથિત રીતે SC અને ST સભ્યોને ચોક્કસ ઉમેદવારને મત આપવાથી ડરાવવામાં આવ્યો હતો. સોશિયલ મીડિયા પોસ્ટના સંબંધમાં ભાજપના અધ્યક્ષ જેપી નડ્ડા, પાર્ટીના આઈટી સેલના વડા અમિત માલવિયા અને કર્ણાટક એકમના વડા બીવાય વિજયેન્દ્ર વિરુદ્ધ FIR દાખલ કરવામાં આવી હતી. પોલીસે સોમવારે જણાવ્યું હતું કે, આ નેતાઓ વિરુદ્ધ અનુસૂચિત જાતિ અને અનુસૂચિત જનજાતિના સભ્યોને કોઈ ચોક્કસ ઉમેદવારને મત ન આપવા માટે કથિત રીતે ધમકી આપતી સોશિયલ મીડિયા પોસ્ટના સંબંધમાં એફઆઈઆર નોંધવામાં આવી છે.
ફરિયાદમાં, KPCC એ કર્ણાટક પ્રદેશ બીજેપીના અધિકૃત એકાઉન્ટમાંથી 'X' પર પોસ્ટ કરાયેલા એક વીડિયોને ટાંક્યો છે. તેમણે આરોપ લગાવ્યો છે કે આ એકાઉન્ટ ભાજપના રાષ્ટ્રીય અધ્યક્ષ જેપી નડ્ડા અને પ્રદેશ અધ્યક્ષ બીવાય વિજયેન્દ્રના નિર્દેશ પર પાર્ટીના આઈટી સેલના વડા અમિત માલવિયા ચલાવે છે. કોંગ્રેસે આરોપ લગાવ્યો કે, “સોશિયલ મીડિયા પર પોસ્ટ કરાયેલા આ વીડિયોમાં રાહુલ ગાંધી અને (મુખ્યમંત્રી) સિદ્ધારમૈયાના એનિમેટેડ પાત્રો બતાવવામાં આવ્યા છે. વીડિયો ક્લિપમાં, SC, ST અને OBC (અન્ય પછાત વર્ગ) સમુદાયોને માળામાં મૂકેલા 'ઇંડા' તરીકે દર્શાવવામાં આવ્યા છે અને રાહુલ ગાંધીને મુસ્લિમ સમુદાયના નામે એક મોટું ઇંડા મૂકતા પણ બતાવવામાં આવ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોસ્કોમાં PM મોદીનું કરાયું ભવ્ય સ્વાગત, રશિયન કલાકારોએ હિન્દી ગીત પર કર્યુ નૃત્ય
July 08, 2024 11:40 PMજમ્મુના કઠુઆમાં સેનાના વાહન પર આતંકી હુમલો, 5 જવાન શહીદ, 5 ઘાયલ
July 08, 2024 11:36 PMગુજરાતમાં 226 વ્યાજખોરો સામે 134 FIR દાખલ
July 08, 2024 11:35 PMCopyright © 2023-2024 Aajkaal Daily
Developed by Rhythm Infotech