બિહારના કટિહારમાં એક ભયાનક માર્ગ અકસ્માત સર્જાયો છે. જેમાં મણિહારી પોલીસ સ્ટેશન વિસ્તારમાં કુમારીપુર કજરા પાસે બે બાઇક વચ્ચેની સીધી ટક્કર થતા ચાર યુવકોના કરૂણ મોત નીપજ્યા હતા. આ ચારેય યુવકો બે બાઇક પર સવાર થઈને આજે શ્રાવણના સોમવારે ગંગામાં સ્નાન કરીને પાણી ભરવા મણીહરી ઘાટ પર ગયા હતા. આ દરમિયાન અકસ્માત સર્જાયો હતો. જેમાં બે યુવકોના ઘટનાસ્થળે જ મોત થયા હતા.જ્યારે બેના હોસ્પિટલમાં મોત થયા હતા.

ઘટના બાદ વિસ્તારમાં ભયનો માહોલ છવાયો હતો. નજીકમાં લોકોની ભીડ હતી. અકસ્માત અંગેની માહિતી મળતા  પોલીસ ઘટનાસ્થળે દોડી ગઈ હતી અને તપાસ શરૂ કરી. પોલીસે ચારેયના મૃતદેહને કબજે લઈ અને પોસ્ટમોર્ટમ માટે સદર હોસ્પિટલમાં મોકલી આપ્યા છે. મૃતકોમાંથી એક, જે બાઇક પર સવાર હતો, તે કટિહારના મુફસિલ પોલીસ સ્ટેશન વિસ્તારના ઉદામર્હિકાનો રહેવાસી હતો. બીજી બાઇક પર સવાર અન્ય બે યુવકો પૂર્ણિયાના સરસી વિસ્તારના રહેવાસી હતા.

પરિવારના સભ્ય રાજુ કુમારે જણાવ્યું કે, આ અકસ્માત ત્યારે થયો જ્યારે બાઇક પર સવાર ચાર યુવકો વહેલી સવારે મણિહારી ગંગાઘાટ જઈ રહ્યા હતા. અચાનક બંને બાઈક કાબૂ ગુમાવ્યો હતો અને એકબીજા સાથે અથડાઈ હતી. અકસ્માત એટલો ભયાનક હતો કે બે લોકોના ઘટનાસ્થળે જ મોત થયા હતા. જ્યારે અન્ય બે લોકોને તાત્કાલિક મેડિકલ કોલેજ હોસ્પિટલમાં સારવાર માટે લઈ જવામાં આવ્યા હતા, જ્યાં બંનેના મોત થયા હતા.