બોલિવૂડના શહેનશાહ અમિતાભ બચ્ચને પોતાના ફિલ્મી કરિયરમાં બોલિવૂડને ઘણી હિટ ફિલ્મો આપી છે. બિગ બી લગભગ પાંચ દાયકાથી ઇન્ડસ્ટ્રીમાં છે. 1969માં તેણે ફિલ્મ 'સાત હિન્દુસ્તાની'થી બોલિવૂડમાં ડેબ્યૂ કર્યું હતું. આ પછી તેણે 'જંજીર', 'શોલે', 'અમર અકબર એન્થની', 'ડોન' વગેરે જેવી ઘણી સુપરહિટ ફિલ્મો કરી. પોતાની મહેનત અને સંઘર્ષના આધારે બિગ બીએ ખ્યાતિની એ ઉંચાઈઓ પર પહોંચી ગયા કે જેના પર બીજા ઘણા લોકો પહોંચવા માટે માત્ર સપના જ જોઈ શકે. કદાચ એટલે જ અમિતાભને સદીના મેગાસ્ટાર પણ કહેવામાં આવે છે. અમિતાભ બચ્ચનને તેમના કામ માટે ઘણા પુરસ્કારોથી નવાજવામાં આવ્યા છે.
હાલમાં જ સમાચાર સામે આવ્યા છે કે બિગ બી એટલે કે સુપરસ્ટાર અમિતાભ બચ્ચનને લતા દીનાનાથ મંગેશકર એવોર્ડથી સન્માનિત કરવામાં આવશે. મંગેશકર પરિવારે મંગળવારે આની જાહેરાત કરી હતી. 6 ફેબ્રુઆરી, 2022 ના રોજ અવસાન પામેલ લતા મંગેશકરની યાદમાં પરિવાર અને ટ્રસ્ટે આ એવોર્ડની સ્થાપના કરી હતી. આ એવોર્ડ એવા લોકોને આપવામાં આવે છે જેમણે સમાજમાં અગ્રેસર યોગદાન આપ્યું હોય.
સૌથી પહેલા વડાપ્રધાન નરેન્દ્ર મોદીને આ એવોર્ડથી સન્માનિત કરવામાં આવ્યા હતા. આ પછી, 2023 માં, આ એવોર્ડ લતા મંગેશકરની બહેન આશા ભોંસલેને આપવામાં આવ્યો. હવે બિગને પણ આ એવોર્ડથી સન્માનિત કરવામાં આવશે. બિગ બીને આ સન્માન 24 એપ્રિલે લતા મંગેશકરના પિતા અને સંગીતના દિગ્ગજ દિનાનાથ મંગેશકરના સ્મૃતિ દિવસે આપવામાં આવશે.
હાલમાં બિગ બી પાસે ઘણી ફિલ્મો છે. જેમાં 'કલ્કિ એડી 2898' છે. આ ફિલ્મમાં તેની સાથે સાઉથના સુપરસ્ટાર કમલ હાસન અને પ્રભાસ પણ જોવા મળશે. આ ફિલ્મ સિવાય બિગ બી રિભુ દાસગુપ્તાની 'સેક્શન 84'માં જોવા મળશે. આ સિવાય તે મેગાસ્ટાર રજનીકાંતની સાથે તમિલ ફિલ્મ 'વેટ્ટૈયાં'માં જોવા મળશે. હવે બિગ બી પણ દર્શકોના ફેવરિટ શો 'કૌન બનેગા કરોડપતિ'ની નવી સીઝન સાથે ટૂંક સમયમાં પરત ફરી રહ્યા છે. તાજેતરમાં, સોની ટીવીના સત્તાવાર સોશિયલ મીડિયા હેન્ડલએ શોનો એક પ્રોમો રિલીઝ કર્યો હતો, જેમાં અમિતાભ બચ્ચનની એક ઝલક જોઈ શકાય છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMઈંડા અને તેલ વગર આ 5 રીતથી બનાવો મેયોનીઝ
April 04, 2025 04:56 PMCopyright © 2023-2024 Aajkaal Daily
Developed by Rhythm Infotech