ફ્લોરિડા યુનિવર્સિટીના પ્રોફેસરે નવો રેકોર્ડ બનાવવાની અનોખી રીતે કરી છે. યુએસ પ્રોફેસર જોસેફ ડિતુરીએ સૌથી વધુ સમય પાણીની અંદર રહેવાના અગાઉના તમામ રેકોર્ડ તોડીને નવો રેકોર્ડ બનાવ્યો છે. તે છેલ્લા 74 દિવસથી જુલ્સ સમુદ્રની અંદર બનેલા લોજમાં રહે છે. અનોખા જૈવિક અભ્યાસ માટે પાણીની નીચે જીવતા જોસેફે હવે તેને 100 દિવસ સુધી લઈ જવાનું નક્કી કર્યું છે.

આ પહેલા 2014માં અન્ય બે પ્રોફેસરોએ સૌથી વધુ 73 દિવસ પાણીની નીચે રહેવાનો રેકોર્ડ બનાવ્યો હતો. ડૉ. દિતુરી 1 માર્ચના રોજ જુલ્સ અન્ડરસી લોજ ખાતે સપાટીથી 30 ફૂટ નીચે 100 ચોરસ ફૂટના રૂમમાં પ્રવેશ્યા હતા અને 'પ્રોજેક્ટ નેપ્ચ્યુન 100'ના ભાગરૂપે 9 જૂને ફરી સપાટી પર આવવાની યોજના ધરાવે છે.

Today I broke the world record for living underwater. The curiosity for discovery has led me here. My goal from day 1 has been to inspire generations to come, interview scientists who study life undersea and learn how the human body functions in extreme environments.

~Ad mare pic.twitter.com/bT0wndmMx9

— Joseph Dituri, Ph.D. (@drdeepsea) May 14, 2023

એક ઈન્સ્ટાગ્રામ પોસ્ટમાં દિતુરીએ લખ્યું, 'આજે રેકોર્ડ બ્રેકિંગ દિવસ છે, 73 દિવસ પાણીની અંદર વિતાવ્યા પછી હું ખુશ છું કે મારી ઉત્સુકતા મને આટલા સુધી લઈ ગઈ છે. મારો ધ્યેય હંમેશાથી આવનારી પેઢીને જ નહીં, પણ વૈજ્ઞાનિકોને પણ પ્રેરણા આપવાનો રહ્યો છે જેઓ પાણીની નીચે પ્રતિકૂળ પરિસ્થિતિઓમાં માનવ શરીર કેવી રીતે કાર્ય કરે છે તેના પર સંશોધનમાં વ્યસ્ત છે. વર્લ્ડ રેકોર્ડ તોડવો એ એક રોમાંચક બાબત છે જે એક માઈલસ્ટોન સાબિત થઈ છે પરંતુ મારી સફર અહીં અટકશે નહીં પરંતુ દરેક ઉંમરના લોકો કે જેઓ શીખવા માંગે છે અને મારી પોતાની શોધ માટે આ યાત્રા વધુ 23 દિવસ સુધી ચાલુ રહેશે.

તેના 74મા દિવસે તેણે પ્રોટીનથી ભરપૂર ઈંડા અને સૅલ્મોન ખાધું, જે માઇક્રોવેવનો ઉપયોગ કરીને તૈયાર કરવામાં આવતું ભોજન હતું, અને તેના હાથમાં બાંધેલા પ્રતિકારક પટ્ટાઓ સાથે કામ કર્યું, જેમાં દૈનિક પુશ-અપ્સનો સમાવેશ થતો હતો. તે પછી તેણે એક કલાકની ઊંઘ લીધી. ડીતુરી, જે 'ડૉ ડીપસી' તરીકે પ્રખ્યાત છે, તે માનવ શરીર પર પાણી હેઠળના ભારે દબાણની લાંબા ગાળાની અસરો અને શરીર તેને કેવી રીતે હેન્ડલ કરે છે તેની તપાસ કરી રહી છે.