દેશમાં હવાઈ મુસાફરી થઈ મોંધી, આજથી ટિકિટોના દરમાં 12.5% વધારો

  • August 13, 2021 04:49 PM 
Aajkaal Daily (Desh Pardesh Ni Aajkaal)

દેશની અંદર હવાઈ મુસાફરી માટે આજથી વધુ ખર્ચ થશે કારણ કે ઉડ્ડયન મંત્રાલયે ગુરુવારે રાત્રે એરલાઇન્સ દ્વારા વસૂલવામાં આવતા સ્થાનિક વિમાનોના ભાડામા લઘુત્તમ અને મહત્તમ 12.5% વધારો કર્યો છે.કેન્દ્રએ એરલાઇન્સને પૂર્વ-કોવિડ સ્તરની 72.5% સુધી ક્ષમતામા વધારો કરી 7.5% વધુ ડોમેસ્ટિક ફ્લાઇટ્સ ચલાવવાની પણ મંજૂરી આપી હતી.

 

અત્રે ઉલ્લેખનીય છે કે 5 જુલાઇથી એરલાઇન્સ તેમની પૂર્વ-કોવિડ ડોમેસ્ટિક ફ્લાઇટ્સ ક્ષમતાના 65% પર કાર્યરત છે, 1 જૂનથી 5 જુલાઇ વચ્ચે,એરલાઇન્સને પૂર્વ-કોવિડ ક્ષમતાના 50% પર સંચાલન કરવાની મંજૂરી આપવામાં આવી હતી.નવીનતમ વધારા સાથે, દિલ્હી-મુંબઈ રૂટ પર એક-માર્ગીય લઘુતમ ભાડું રૂ. 4,700 થી વધીને 5,287 અને મહત્તમ રૂ. 13,000 થી વધીને રૂ.14,625 ટેક્સ સિવાય હશે.

 

જેટ ફ્યુલની વધતી કિંમતો વચ્ચે સરકારે આ વર્ષે ચોથી વખત સ્થાનિક વિમાનોના ભાડામાં વધારો કર્યો છે, જે લગભગ 40% જેટલો છે.કોવિડ પરિસ્થિતિને કારણે, એરલાઇન્સ કંપની સરકાર તરફથી કોઇ આર્થિક સહાયતા ન મળતા ટકી રહેવા માટે સંઘર્ષ કરી રહી છે.નોંધનીય છે કે ઉપરોક્ત ભાડાની શ્રેણીમાં સ્થાનિક મુસાફરી અને જીએસટી માટે લાગુ રૂ. 150 ની પેસેન્જર સુરક્ષા ફીનો સમાવેશ થતો નથી.

 

25 મે, 2020 ના રોજ, જ્યારે સરકારે એરલાઇન્સને બે મહિનાના લાંબા વિરામ બાદ સુનિશ્ચિત સ્થાનિક ફ્લાઇટ્સ ચલાવવાની મંજૂરી આપી,પૂર્વ-કોવિડ ક્ષમતાના એક તૃતીયાંશ અને નિશ્ચિત ભાડા સાથે મુસાફરોને વધારે કિંમત ચૂકવવાની ફરજ પાડવામાં ન આવે એ રીતે એરલાઇન્સને શરૂ કરવા કહ્યું હતું. ઉડાનના સમયના આધારે ભાડાની રેન્જ નક્કી કરવામાં આવી હતી. તે સમયે 40 મિનિટથી નીચે અને 3-3.5 કલાક સુધી હવાઈ મુસાફરી માટાની ફ્લાઇટ્સની સાત કેટેગરી નક્કી કરવામાં આવી હતી.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS
Aajkaal Daily (Desh Pardesh Ni Aajkaal)
Covid amongst kids
  • May 10, 2021