ક્રિકેટ ચાહકોની આતુરતાનો અંત આવ્યો છે, હજુ થોડા જ દિવસો પહેલા IPLની આગામી સિઝનના સમગ્ર શેડ્યૂલની જાહેરાત કરી દેવામાં આવી છે. આઈપીએલ 2023ની શરુઆત 31 માર્ચથી થશે. પ્રથમ મેચ ડિફેન્ડિંગ ચેમ્પિયન ગુજરાત ટાઈટન્સ અને ચેન્નાઈ વચ્ચે રમાશે. 12 સ્ટેડિયમમાં કુલ 74 મેચો રમાશે. ત્રણ વર્ષ બાદ ટીમો પોતાના હોમ ગ્રાઉન્ડ પર રમતી જોવા મળશે.
ત્યારે આજરોજ અમદાવાદ ખાતે લખનઉ સુપર જાયન્ટ્સે ટીમ માટેની નવી જર્સીનું અનાવરણ કર્યું છે. જર્સી લોન્ચ ઈવેન્ટમાં કેપ્ટન કે.એલ. રાહુલ, ટીમના મેન્ટર ગૌતમ ગંભીર અને BCCI સેક્રેટરી જય શાહ તથા ઓનર સંજીવ ગોયનકા સહિત ટીમના ઘણા ખેલાડીઓ હાજર હતા. ટીમની નવી જર્સી ડાર્ક બ્લૂ કલરની કરાઈ છે. નોંધનીય છે કે ગઈ સિઝનમાં જર્સીનો રંગ આછો વાદળી હતો.
ગત વર્ષથી જ IPLમાં પદાર્પણ કરનારી લખનઉ સુપર જાયન્ટ્સે તેની પ્રથમ સિઝનમાં ખૂબ જ સારું પ્રદર્શન કર્યું, જોકે તે ટાઇટલ જીતી શકી ન હતી. હવે ટીમ તેની બીજી સિઝનમાં રમવા માટે ઉત્સુક છે. આ અંગે ટીમે તેની નવી જર્સીનું અનાવરણ કર્યું છે. લખનઉ સુપર જાયન્ટ્સે ગત સિઝનમાં જ IPLની શરૂઆત કરી હતી.
RPSG ગ્રુપના સંજીવ ગોયનકાની માલિકી હેઠળની ટીમમાં કે.એલ. રાહુલને ટીમના કેપ્ટન બનાવવામાં આવ્યા છે. આ કાર્યક્રમમાં લખનઉ સુપર જાયન્ટ્સના કેટલાક ખેલાડીઓએ પણ હાજરી આપી હતી, જર્સી લોન્ચ પહેલા કેપ્ટન કે.એલ. રાહુલ સાથે અન્ય ખેલાડીઓએ રેમ્પ વોક કર્યું હતું. લખનઉ 1 એપ્રિલના રોજ સિઝનના પ્રથમ મેચમાં દિલ્હી કેપિટલ્સ સામે ટકરાશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆસામમાં પૂરને કારણે હાહાકાર, 58 લોકોએ ગુમાવ્યા જીવ, હજારો લોકોના ઘર પાણીમાં ડૂબ્યા
July 07, 2024 04:39 PMKulgam Encounter: સુરક્ષા દળોનું મોટું ઓપરેશન, અત્યાર સુધીમાં છ આતંકીઓનો ખાત્મો
July 07, 2024 04:37 PMરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMCopyright © 2023-2024 Aajkaal Daily
Developed by Rhythm Infotech