સ્કૂલના ટ્રસ્ટ વતી વકીલોએ પ્રાંત અધિકારી સમક્ષ દલીલ કરી

વિરાણી હાઈસ્કૂલની જમીનની માલિકીના વિવાદાસ્પદ પ્રકરણમાં વિરાણી હાઇસ્કુલ ટ્રસ્ટની વિરુદ્ધમાં અપાયેલા ચુકાદાને હાઇકોર્ટમાં પડકારાયા બાદ વડી અદાલતની સૂચના મુજબ આ કેસમાં આજથી ફરી પ્રાંત અધિકારી ચૌધરી સમક્ષ નવેસરથી સુનાવણી શરૂ થઈ છે.

પ્રાંત અધિકારી ચૌધરીએ અમને સાંભળ્યા વગર કાયદાનું ખોટું અર્થઘટન કરીને અમને અન્યાય થાય તેવો નિર્ણય કર્યો છે તેમ કહીને હાઇકોર્ટમાં વિરાણી હાઇસ્કુલ ટ્રસ્ટ તરફથી રીટ કરવામાં આવી હતી અને હાઇકોર્ટે તે મંજૂર રાખી નવેસરથી તારીખ 10 ઓગસ્ટે સુનાવણી કરવા આદેશ આપ્યો હતો.

આજે આખો દિવસ જૂની કલેકટર કચેરીમાં આ કેસમાં વકીલોની દલીલ ચાલુ રહી હતી. તે પૂરી થયા પછી હવે આગામી એકાદ સપ્તાહમાં પ્રાંત અધિકારી નવેસરથી પોતાનો ચુકાદો આપશે તેમ જાણવા મળે છે.