અભિનેતા વીર દાસની બહેનનો ઘટસ્ફોટ, કાર્યસ્થળ પર થયું શોષણ

  • August 02, 2021 08:46 AM 
Aajkaal Daily (Desh Pardesh Ni Aajkaal)

બોલિવૂડમાં સેક્સુઅલ હેરેસમેન્ટના ખુલાસા અનેકવાર થયા છે અને તેમાં વધુ એકવાર ઉમેરો થયો છે. અભિનેતા વીર દાસની બહેન અને નેશનલ એવોર્ડ વિજેતા તૃષા દાસે પોતાના પર થયેલા શારીરિક શોષણ પર ખુલાસો કર્યો છે. હાલમાં જ શર્લિન ચોપરા રાજ કુન્દ્રા પર ગંભીર આરોપ લગાવ્યા છે. એવામાં તૃષા દાસના ખુલાસાથી બોલિવૂડની ડાર્ક સાઈડ ફરી એકવાર સામે આવી છે.


અભિનેતા વીર દાસની બહેન તૃષા દાસ નેશનલ એવોર્ડ વિજેતા છે અને તે ડોક્યુમેન્ટ્રી ફિલ્મમેકર છે. હાલમાં જ એક ન્યૂઝ એજન્સી સાથે વાત કરતાં તૃષાએ ખુલાસો કર્યો હતો કે તેનું ઘણીવાર શારીરિક શોષણ કરવામાં આવ્યું છે. તૃષાનું કેહવુ છે કે, જ્યારે તે ડોક્યુમેન્ટ્રી ફિલ્મમેકર તરીકે કામ કરતી હતી ત્યારે તેની પર અનેકવાર શારીરિક ત્રાસ ગુજારવામાં આવ્યો હતો. તેનું કહેવું છે કે કામના સ્થળે આ સામાન્ય બાબત હતી અને મહિલાઓ એક-બીજાને કમ્ફર્ટ આપવા અને રક્ષણ કરવા માટે બીજી મહિલાઓને શોધતી રહે છે.


 
તૃષા મુજબ સોશિયલ મીડિયા અને કામના સ્થળે શારીરિક શોષણ વિશે સતત ચાલી રહેલી ચર્ચા અને મી ટૂ આંદોલને હવે પરિસ્થિતિ બદલી નાંખી છે. આ મહિલાઓને સશક્તિકરણ આપી રહ્યું છે. જોકે હું આશા રાખું છું કે, આ આંદોલનનું રાજનીતિકરણ ના થાય.

 

પોતાનું શારીરિક શોષણ કરનારા લોકો વિશે જણાવતાં તૃષાએ કહ્યું કે, તેઓ એટલા પ્રખ્યાત નથી અને હાલમાં એમાંથી કોઇના પણ સંપર્કમાં નથી. મને એ પણ નથી ખબર કે એ લોકો હાલમાં ક્યાં છે? એ સમયે સોશિયલ મીડિયા અને વોટ્સએપ પણ નહતું કે હું એમના સંપર્કમાં રહી શકું.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS