ઓસ્ટ્રેલિયામાંથી એક ચોંકાવનારો કિસ્સો સામે આવ્યો છે. અહીં એક 64 વર્ષની મહિલાના મગજમાં જીવતો કીડો મળી આવ્યો છે. વિશ્વમાં આ પ્રકારનો આ પહેલો કેસ કહેવામાં આવી રહ્યો છે. ડોક્ટર્સનું કહેવું છે કે તેની કારકિર્દીમાં પણ આ પ્રકારનો આ પહેલો કેસ છે. મહિલામાં ન્યુમોનિયા, પેટમાં દુખાવો, ઝાડા, સૂકી ઉધરસ, તાવ અને રાત્રે પરસેવો જેવા તમામ લક્ષણો દેખાઈ રહ્યા હતા. ડોકટરો 2021 થી સ્ટેરોઇડ્સ અને અન્ય દવાઓથી તેની સારવાર કરી રહ્યા છે. 2022માં મહિલામાં ડિપ્રેશન અને ભૂલી જવાના લક્ષણો પણ દેખાવા લાગ્યા હતા. જે બાદ ડોક્ટરોએ તેના મગજનું એમઆરઆઈ સ્કેન કર્યું, જેમાં કેટલીક ગરબડ જોવા મળી. પછી સર્જરીની સલાહ આપવામાં આવી. પરંતુ પાછળથી તેને ખબર પડી કે મગજમાં એક જીવંત કીડો છે. કેનબેરાના ચેપી રોગના નિષ્ણાત ડૉ. સંજય સેનાનાયકેએ જણાવ્યું હતું કે, "ન્યુરોસર્જનએ સર્જરી કરી ન હતી કારણ કે તેને હરતો ફરતો કીડો મળ્યો હતો."

તે 3-ઇંચ-લાંબુ, લાલ, પરોપજીવી રાઉન્ડવોર્મ હતું જેને વૈજ્ઞાનિક રીતે ઓફિડાસ્કરિસ રોબર્ટ્સી તરીકે ઓળખાય છે. રાઉન્ડવોર્મનો આ ચોક્કસ પ્રકાર કાર્પેટ પાયથોન્સમાં જોવા મળે છે. તે ઓસ્ટ્રેલિયા, ઇન્ડોનેશિયા અને પાપુઆ ન્યુ ગિનીમાં જોવા મળે છે. સામાન્ય રીતે સાપમાં જોવા મળેલો કીડો મહિલાના શરીરમાં કેવી રીતે પહોંચ્યો તે ડોક્ટરોને સમજાતું નથી. તેને સાપ સાથે કોઈ સીધો સંપર્ક નહોતો, પરંતુ તેના ઘરની નજીકના તળાવ છે જ્યાં ઘણા સાપ રહે છે. નિષ્ણાતોનું અનુમાન છે મહિલા પાલક ઉગાડતી હતી, તેથી એવું માનવામાં આવે છે કે તેના પર કૃમિનું ઈંડું હાજર હોઈ શકે છે જે તેણે ખાઈ લીધું હોઈ શકે છે.

માનવીઓમાં આ પરોપજીવી ચેપની સારવાર પહેલાં કરવામાં આવી ન હતી, તેથી ડોકટરોએ લક્ષણોની સારવાર માટે ઘણા મહિનાઓ સુધી તેણીની કાળજી અને તકેદારી સાથે સારવાર કરવામાં આવી, સાપમાં જોવા મળતા રાઉન્ડવોર્મ્સનું નિદાન કરનાર તેણી વિશ્વની પ્રથમ દર્દી છે. આ બતાવે છે કે કેવી રીતે પ્રાણીઓમાં જોવા મળતા રોગો હવે મનુષ્યોમાં પણ ટ્રાન્સફર થઈ રહ્યા છે. જો કે, આ મહિલાને જે બીમારી છે તે એક વ્યક્તિથી બીજામાં ફેલાતી નથી. હવે, જંતુઓ અને સાપ વિશ્વના અન્ય ભાગોમાં પણ રહે છે, તો આગામી સમયમાં વિશ્વના અન્ય દેશોમાં પણ આવા કિસ્સાઓ જોવા મળી શકે છે. બીજી તરફ, આ મહિલાની તબિયત હવે ઠીક છે પરંતુ હજુ પણ તેના કેટલાક લક્ષણો યથાવત છે. ડોકટરે કહ્યું હતું કે, ન્યુરોસર્જન નિયમિતપણે મગજના ચેપના કેસ જોતા હોય છે, પરંતુ તેમની કારકિર્દીમાં આ પ્રકારનો આ પહેલો કેસ હતો.