aajkaal@team

ભાવનગરમાં જિલ્લા વિકાસ અધિકારી પ્રશાંત જીલોવાના અધ્યક્ષ સ્થાને મિશન અમૃત સરોવર અંતર્ગત વર્કશોપ જિલ્લા પંચાયત કચેરી ખાતે યોજવામાં આવ્યો હતો.આ વર્કશોપમાં અમૃત સરોવર સપાટી પર અને જમીનની અંદર પાણીની ઉપલબ્ધતા વધારવામાં મહત્વની ભૂમિકા, અમૃત સરોવરોનો વિકાસ અંગેના મુદ્દાઓ પર ચર્ચાઓ કરવામાં આવી હતી. 

અત્રે ઉલ્લેખનીય છે કે દેશના દરેક જિલ્લામાં ઓછામાં ઓછા ૭૫ અમૃત સરોવર (તળાવ) નું નિર્માણ / વિકાસ કરવાનો છે. દરેક અમૃત સરોવર ઓછામાં ઓછો ૧ એકર (૦.૪ હેક્ટર) તળાવ વિસ્તાર હશે જેમાં લગભગ ૧૦,૦૦૦ ઘન મીટરની પાણીની સંગ્રહ ક્ષમતા હશે. દેશના તમામ ગ્રામીણ જિલ્લાઓમાં જિલ્લા દીઠ ઓછામાં ઓછા ૭૫ અમૃત સરોવરોનો વિકાસ થશે. જેથી દેશમાં કુલ ૫૦,૦૦૦ અમૃત સરોવરનું નિર્માણ થશે. 

અમૃત સરોવર સાઇટ પર બ્યુટિફિકેશનના કામો અંગે પણ ચર્ચાઓ કરવામાં આવી હતી. આ વર્કશોપમાં જિલ્લા ગ્રામ વિકાસ એજન્સીના નિયામક જયશ્રીબેન જરૂ, તાલુકા વિકાસ અધિકારી, તલાટીઓ, સરપંચઓ વગેરે ઉપસ્થિત રહ્યા હતા.