aajkaal@team

રૂપિયા ૫૦ હજાર ઓનલાઈન ટ્રાન્સફર કર્યાં છતાં માલ ન મોકલ્યો વેપારીએ મુંબઈના શખ્સ વિરુદ્ધ સાયબર સેલમાં ફરિયાદ નોંધાવતાં પોલીસે તપાસ હાથ ધરી

સિહોરના લીલાપીર વિસ્તારમાં રહેતા અને ભંગારની લે વેચ કરતા યુવાન સાથે મુંબઈના શખ્સે જસત આપવાના બહાના રોકડા રૂપિયાનું ટ્રાન્જેક્શન કરાવી છેતરપીંડી આચરતા સિહોરના વેપારીએ ભાવનગર સાયબરસેલમાં ફરિયાદ નોંધાવી હતી

આ બનાવવાની જાણવા મળતી વિગત મુજબ સિહોરના લીલાપીર વિસ્તારમાં રહેતા અને ભંગારની લે વેચ કરતા અસ્ફાકભાઈ હનીફભાઇ સૈયદ એ સિહોર પોલીસ મથકમાં એવા મતલબની ફરિયાદ નોંધાવી હતી કે અસ્ફાકભાઈ પર થોડા સમય પહેલા મુંબઈ થી શાહિદ અલી નામના શખ્સનો મોબાઈલ પર કોલ આવ્યો હતો અને પુછયું હતું કે તમારે જસત-ધાતુનો માલ જોઈએ છે જેમાં અસ્ફાકે બીજી વાર કોલ આવતા હા પાડેલ દરમ્યાન મુંબઈના શખ્સે માલ માટે એડવાન્સ પેમેન્ટ ની માંગણી કરતાં અસ્ફાકે ગુગલ-પે મારફતે પ્રથમ પાંચ હજાર ચૂકવ્યા હતાં બાદમાં બેંકના ખાતામાં રૂપિયા ૪૫ હજાર ઓનલાઈન ટ્રાન્સફર કર્યાં હતાં રૂપિયા ૫૦ હજાર ઓનલાઈન ટ્રાન્સફર કરવા છતાં માલ ન મળતા અસ્ફાકે મુંબઈના શખ્સને અવારનવાર કોલ કરતાં એ શખ્સે વારંવાર ગલ્લા-તલ્લા કરી માલ ન મોકલી છેતરપીંડી આચરતા અસ્ફાકે સાયબરસેલ માં ફરિયાદ નોંધવી હતી.