ભારતીય રેલ્વેએ એક મોટી સિદ્ધિ હાંસલ કરી છે અને તેનું નામ 'લિમ્કા બુક ઓફ રેકોર્ડ્સ'માં નોંધાવ્યું છે. અનેક સ્થળોએ જાહેર સેવાના કાર્યક્રમોમાં સૌથી વધુ લોકોની હાજરી બદલ રેલવેએ આ સિદ્ધિ હાંસલ કરી છે.  રેલવે મંત્રાલયે 26 ફેબ્રુઆરી 2024ના રોજ એક કાર્યક્રમનું આયોજન કર્યું હતું. આ કાર્યક્રમનું આયોજન 2140 સ્થળોએ કરવામાં આવ્યું હતું અને તેમાં 40,19,516 લોકોએ ભાગ લીધો હતો.

રોડ ઓવર/અંડર રેલ્વે બ્રિજના ઉદ્ઘાટન અને રેલ્વે સ્ટેશનોના શિલાન્યાસ માટે આ કાર્યક્રમનું આયોજન કરવામાં આવ્યું હતું. આ કાર્યક્રમમાં વડાપ્રધાન નરેન્દ્ર મોદી મુખ્ય અતિથિ હતા. ભારતીય રેલવેના આ મોટા પ્રયાસમાં લોકોએ મોટી સંખ્યામાં ભાગ લીધો હતો. આ સિદ્ધિ લિમ્કા બુક ઓફ વર્લ્ડ રેકોર્ડમાં નોંધવામાં આવી છે.

 વડાપ્રધાન નરેન્દ્ર મોદીના નેતૃત્વમાં ફરી એકવાર અશ્વિની વૈષ્ણવે બીજી વખત રેલવે મંત્રાલયનો હવાલો સંભાળ્યો છે. વૈષ્ણવને રેલ્વે મંત્રાલયની સાથે સાથે માહિતી અને પ્રસારણ મંત્રાલય પણ મળ્યું છે.

રેલવે મંત્રી અશ્વિની વૈષ્ણવે કહ્યું કે આ બીજા કાર્યકાળમાં તેમની પ્રાથમિકતા વેઇટિંગ ટિકિટની સમસ્યાને દૂર કરવાની રહેશે. તે આ સમસ્યાને વહેલી તકે ઉકેલવા માંગે છે. દરેકને કન્ફર્મ ટિકિટ મળી રહે તે માટે રેલવે મંત્રાલયે પણ પ્રયાસો શરૂ કર્યા છે.

એક અંદાજ મુજબ, જો રેલવે દરરોજ ત્રણ હજાર વધારાની ટ્રેનો દોડાવે તો વેઇટિંગ ટિકિટની સમસ્યા હલ થઈ શકે છે.