પ્રાપ્ત વિગત મુજબ પોપટપરામાં જેલ પાછળ રહેતો રાજા રતિલાલ દુદકીયા (ઉ.વ.૨૮)નો યુવક તા.૨૮/૧૦ના સાંજે સાડા આઠેક વાગ્‍યે ઘરેથી બાઇક લઈને કરીયાણુ લેવા માટે જતો હતો ત્યારે પોપટપરા સ્‍મશાન પાસે અજાણ્યા વાહન ચાલકે બાઇકને ઠોકરે લેતા યુવક બાઈક સમેત રોડ પર પટકાતા ગંભીર ઈજાઓ થવાથી સારવાર માટે ખાનગી હોસ્પિટલ બાદ વધુ સારવાર માટે સિવિલમાં ખસેડાતા ગત રાત્રીના દમ તોડી દીધો હતો. બનાવ અંગે

હોસ્‍પિટલ ચોકીના સ્‍ટાફે જાણ કરતાં પ્ર.નગર પોલીસે જરૂરી કાર્યવાહી કરી હતી.

મૃત્યુ પામનાર યુવક બે બહેન અને ચાર ભાઇમાં નાનો હતો. લગ્ન ચાર વર્ષ પહેલા થયા હતાં. અને શાકભાજી વેંચી પરિવારનું ગુજરાન ચલાવતો હતો. પોલીસે અકસ્માત સર્જી નાસી છૂટેલા વાહન ચાલકની શોધખોળ હાથ ધરી છે.