ટેરો દીકરો મધુ મચ્છર કહેવાય એને હું ઉડાડી દઈશ, તમારા દીકરા મધુ પ્રત્યે મને દાજ છે, હું તેને મુકવાનો પણ નથી, યુવકના પિતાએ તો શું ખુન કરી નાખશો પૂછતાં શખસે હા ખૂન પણ થશે તેમ ફોનમાં ધમકી આપતા પ્રૌઢે ચલાલાના મુકેશ પાલજી રાઠોડ સામે ફરિયાદ નોંધાવી છે.

ધારીના મોઠપુર (નક્કી) ગામે રહેતા અને ખેતીકામ કરતા ગેલભાઈ સોમાભાઈ રાઠોડ (ઉ.વ.60) નામના પ્રૌઢના ફોનમાં ચલાલા ગામના મુકેશ પાલજીભાઈ રાઠોડ નો ફોન આવ્યો હતો અને ફોનમાં કહેવા લાગ્યો હતો કે, તમારો દીકરો મધુ મધુને સમજાવી દેજો કે, અનુ.જાતિસામુદાયિક મંડળીની જમીન બાબતે રસ લેવાનું અને મારા વિશે ગ્રુપમાં લખવાનું બંધ કરી દયે, આથી પ્રૌઢે સામે કહ્યું હતું કે, અનુ.જાતિ સામુદાયિક મંડળીની જમીન તમે એકલા હજારો વીઘા વાવો છો અને સમાજને એક વિઘો પણ આપતા નથી, મંડળીમાં પણ તમારા ઘરના જ સભ્યો છે, આ વાત મારા દીકરાએ ગ્રુપમાં લખી છે. આથી મુકેશને આ વાત ના ગમતા ઉશ્કરાઈ જઈ ઉંચા અવાજે ફોનમાં કહેવા લાગ્યો હતો કે, તમારો દીકરો મધુ મારા માટે મચ્છર કહેવાય, અને હું તને ઉડાડી નાખીસ તો વાર નહીં લાગે, પોલીસ ફરિયાદ કરવી હોય ત્યાં કરી દેજો, આથી પ્રૌઢે કહ્યું કે શું ખૂન કરી નાખશો ? સામેના શખસે હા ખૂન પણ થશે કહી મારી નાખવાની ધમકી આપી ફોન કાપી નાખ્યો હતો. પોલીસે ચલાલાના શખસ સામે ગુનો નોંધી આગળની કાર્યવાહી હાથ ધરી છે.