લોકશાહીના પર્વ સમાન આગામી લોકસભાની ચૂંટણીમાં અવશ્ય મતદાન કરીશું-ની પ્રતિબદ્ધતા સાથે યુવા છાત્રોમાં અનેરો થનગનાટ રાજકોટ સહીત સમગ્ર જિલ્લામાં જોવા મળી રહ્યો છે.

જિલ્લા ચૂંટણી અધિકારી શ્રી પ્રભવ જોશીના માર્ગદર્શનમાં સ્વીપ નોડલ ઓફિસરશ્રી જિજ્ઞાસાબેન ગઢવી અને તેમની ટીમ દ્વારા જિલ્લાની શાળા - કોલેજોમાં મતદાન જન-જાગૃતિના અનેકવિધ કાર્યક્રમો રોજબરોજ યોજાઈ રહ્યા છે. 

મોટા મવા વિસ્તારમાં આવેલ સનસાઈન કોલેજ ઓફ એમ.બી.એ. માં યુવા મતદારો જેવો પ્રથમ વાર વોટીંગ કરવાના છે, તેઓને મતદાનનું અધિકારીઓની ટીમ દ્વારા મતદાનનું મહત્વ સમજાવી અને વધુમાં વધુ મતદાન થાય તે બાબતે પ્રતિજ્ઞા લેવડાવી હતી.  જે છાત્રો  મતદાન માટે એલિજેબલ છે પરંતુ તેઓનું નામ મતદાન યાદીમાં નોંધાયેલ નથી તેવા મતદારોને વોટર હેલ્પલાઇન મારફતે ઓનલાઈન અરજી કરાવી હતી.

જયારે રૈયાધાર વિસ્તારમાં આવેલી ડો. ઝાકીર હુસેન પ્રાથમિક શાળા ખાતે ચુનાવ પાઠશાલા અંતર્ગત આયોજીત ચિત્રસ્પર્ધામાં વિજેતા થયેલ સ્પર્ધકોને કલેક્ટરશ્રી પ્રભવ જોશી અને જીલ્લા અધિક ચુંટણી અધિકારીશ્રી મુછરના હસ્તે પ્રમાણપત્ર આપી સન્માનિત કરવામાં આવ્યા હતાં. તેમજ દરેક વિજેતાને પુરસ્કાર તરીકે સ્કુલબેગ, જીઓમેટ્રી બોક્સ, પેન તથા વોટર બોટલ આપવામાં આવી હતી. આ તકે મતદાર નોંધણી અધિકારીશ્રી ૬૯-રાજકોટ પશ્વિમ અને શાળાના અન્ય શિક્ષકો હાજર રહેલ હતા.