બનાવની જાણવા મળતી વિગતો મુજબ,ગોંડલમાં જેલ ચોક પાસે સરવૈયા ફુલવાડી શેરીમાં રહેતા અને પ્રાઇવેટ નોકરી કરનાર વિજય જીતેન્દ્રભાઇ મકવાણા(ઉ.વ ૩૨) નામના યુવાને ગોંડલ બી ડિવિઝન પોલીસ મથકમાં નોંધાવેલી ફરિયાદમાં આરોપી તરીકે આનંદ પરમાર,અંકિત દીપકભાઇ પરમાર, વીવેક પરમાર, પ્રેમ પરમાર અને લાલો પરમારના નામ આપ્યા છે.

યુવાને ફરિયાદમાં જણાવ્યું હતું કે,આજથી બે મહિના પૂર્વે તેની પત્નીને આનંદ પરમારનો પિતરાઇ ભાઇ સંપત ફોનમાં મેસેજ કરી વાતચીત કરતો હતો જે બાબતે યુવાનને પત્ની સાથે માથકૂટ થઇ હતી.બાદમાં આનંદ પરમારે વચ્ચે રહી સમાધાન કરાવ્યું હતું.દરમિયાન ગઇકાલે યુવાનને પત્ની પર ફરી શંકા જતા તેણે પત્નીને કહ્યું હતું કે, ભાવેશ અને તેની પત્ની આપણા ઘરે આવવાના હોય તે આજદિન સુધી કેમ નથી આવ્યા? તેમ કહી ભાવેશને ફોન કરતા તે ફોન ઉપાડતો ન હતો.જેથી આ માથાકૂટમાં વચ્ચે રહેતા તેના પિતરાઇ ભાઇ આનંદ પરમાર(રહે.વૃંદાવન-૫,ગોંડલ) ને ફોન કરતા તેણે યુવાન અને તેની સાથે ફોનમાં ગાળાગાળી કરી હતી.અને કહ્યું હતું કે જેતપુર ત્રીકોણ ચોક ખાતે આવ તને મારવો છે.

બાદમાં યુવાન તેના મોટા ભાઇ મૌલિક મકવાણા જે વૃંદાવનમાં રહેતા હોય રાત્રીના તેના ઘરે જવા માટે નિકળતા યુવાનના ભાઇના ઘરની બાજુમાં જ રહેતો અંકિત પરમાર તેને જોઇ જતા અંકિત હાથમાં બેટ લઇ વિવેક બેઝ બોલનો ધોકો સાથે આનંદ બેટ લઇ પ્રેમ પરમાર બેઝ બોલનો ધોકો અને લાલો પરમાર હાથમાં પાઇપ લઇ યુવાનને મારવા માટે ધસી આવ્યા હતાં.બાદમાં આ શખસોએ યુવાન પર ધોકા,પાઇપ અને બેટ વડે હુમલો કરી તેને હુમલો કરી તેને ઇજા પહોંચાડી હતી.અને કહેતા હતા કે આજે તો તને મારી જ નાખવો છે.બાદમાં યુવાનનો મોટો ભાઇ આવી જતા અ શખસો ચાલ્યા ગયા હતાં.ત્યારબાદ હુમલમાં ઘવાયેલા યુવાનને સારવાર માટે રાજકોટ સરકારી હોસ્પિટલમાં ખસેડવામાં આવતા તેને પાંસળીમાં અને પગમાં ફ્રેકચર થઇ ગયાનું માલુમ પડયું હતું.

યુવાને ફરિયાદમાં વધુમાં જણાવ્યું છે કે,તેની પત્ની ભાવેશ સાથેે ફોનમાં વાતચીત કરતી હોય જે બાબતે માથાકૂટ થતા તે સમયે આનંદ પરમાર સમાધાનમાં વચ્ચે પડયો હતો.બાદમાં ભાવેશ અને તેની પત્ની યુવાનના ઘરે આવવાના હોય જે ન આવ્યા હોય આ બાબતે ભાવેશને ફોન કરતા તે ન ઉપાડતા આનંદને ફોન કર્યો હતો.જે તેને પસંદ નહીં પડતા ફોનમાં ગાળો આપી બાદમાં યુવાન પર આ હુમલો કર્યો હતો.આ અંગે યુવાનની ફરિયાદ પરથી ગોંડલ બી ડિવિઝન પોલીસે પાંચ શખસો સામે રાયોટ સહિતની કલમ હેઠળ ગુનો નોંધી કાયદેસરની કાર્યવાહી કરી હતી.