ઉત્તર પ્રદેશના 17 જિલ્લાઓમાં ઘરની બહાર વાહન પાર્ક કરવા પર ફી લાગશે. યોગી સરકારે આ નિર્ણય લીધો છે. આ નિયમ એવા લોકોને લાગુ પડશે જેમની પાસે ઘરમાં પાર્કિંગની જગ્યા નથી અને જેઓ પોતાના વાહનો બહાર પાર્ક કરે છે. મ્યુનિસિપલ કોર્પોરેશન વહીવટીતંત્ર રાત્રે વાહનો માટે પાર્કિંગની જગ્યા બનાવશે. ગીચ શહેરોમાં તહેવારો દરમિયાન ફ્લાયઓવર નીચે પાર્કિંગની સુવિધા પણ પૂરી પાડવામાં આવશે.

યોગી સરકારની કેબિનેટે 'યુપી મ્યુનિસિપલ કોર્પોરેશન (પાર્કિંગ સ્પેસનું બાંધકામ, જાળવણી અને સંચાલન) નિયમો-2025' ને મંજૂરી આપી છે. શહેરી વિકાસ વિભાગે તેનું જાહેરનામું પણ બહાર પાડ્યું છે. હવે યુપીના 17 જિલ્લાઓમાં, લોકોએ પોતાના ઘરની બહાર વાહનો પાર્ક કરવા માટે પૈસા ચૂકવવા પડશે. સરકારે પાર્કિંગના દર પણ નક્કી કર્યા છે. જોકે, ગ્રીન સ્પેસમાં પાર્કિંગનો કરાર કરવામાં આવશે નહીં.

૧૦ લાખથી ઓછી વસ્તીવાળા શહેરોમાં પાર્કિંગ ચાર્જ

સમયગાળો ટુ વ્હીલર ફોર વ્હીલર

૧ કલાક રૂ. ૫ રૂ. ૧૦

૨ કલાક રૂ. ૧૦ રૂ. ૨૦

૨૪ કલાક રૂ. ૪૦ રૂ. ૮૦

માસિક પાસ રૂ. ૬૦૦ રૂ. ૧૨૦૦

પીપીપી મોડેલ હેઠળ પાર્કિંગ સુવિધાઓ વિકસાવવા માટે લાઇસન્સ અપાશે

આ સુવિધા પહેલા લખનૌ, કાનપુર, અયોધ્યા, અલીગઢ, આગ્રા, ગાઝિયાબાદ, ગોરખપુર, ઝાંસી, પ્રયાગરાજ, ફિરોઝાબાદ, બરેલી, મથુરા, મેરઠ, મુરાદાબાદ, વારાણસી, શાહજહાંપુર અને સહારનપુરમાં શરૂ થશે. દરેક મ્યુનિસિપલ કોર્પોરેશનમાં 12 સભ્યોની સમિતિની રચના કરવામાં આવશે. મ્યુનિસિપલ કમિશનર આ સમિતિના અધ્યક્ષ રહેશે. સહાયક ઇજનેરને સભ્ય સચિવ બનાવવામાં આવશે. આ સમિતિ 90 દિવસની અંદર પાર્કિંગ માટે શક્ય સ્થળોની યાદી તૈયાર કરશે. આ ઉપરાંત, પીપીપી (જાહેર-ખાનગી ભાગીદારી) મોડેલ હેઠળ પાર્કિંગ સુવિધાઓ વિકસાવવા માટે લાઇસન્સ પણ આપવામાં આવશે. પીપીપી મોડેલનો અર્થ એ છે કે સરકાર અને ખાનગી કંપનીઓ સંયુક્ત રીતે પાર્કિંગ બનાવશે.

ટ્રાફિક જામની સમસ્યા ઓછી કરવાની દિશામાં આગેકુચ

સરકારનું કહેવું છે કે આ નિયમથી શહેરોમાં ટ્રાફિક જામની સમસ્યા ઓછી થશે. લોકોને પોતાના વાહનો પાર્ક કરવા માટે સલામત જગ્યા મળશે. મહાનગરપાલિકા પાર્કિંગ ફીમાંથી પણ કમાણી કરશે. આ આવકનો ઉપયોગ શહેરોને સુધારવા માટે કરવામાં આવશે.

૧૦ લાખથી વધુ વસ્તીવાળા શહેરોમાં પાર્કિંગ ચાર્જ

સમયગાળો ટુ વ્હીલર ફોર વ્હીલર

૧ કલાક રૂ.૭ રૂ.૧૫

૨ કલાક રૂ.૧૫ રૂ.૩૦

૨૪ કલાક રૂ. ૫૭ રૂ. ૧૨૦

માસિક પાસ ૮૫૫ રૂપિયા ૧૮૦૦ રૂપિયા