રાજકોટ મહાનગરપાલિકા સોલિડ વેસ્ટ મેનેજમેન્ટ શાખા હેઠળ વોંકળા વિભાગ દ્રારા સ્વચ્છ સર્વેક્ષણ–૨૦૨૪ અને નિર્મળ ગુજરાત ૨.૦ અભિયાન હેઠળ પ્રિ–મોન્સૂન વોકળા સફાઈ અંતર્ગત તાજેતરમાં વોર્ડ નં.૨, ૪, ૫, ૭, ૧૦, ૧૪ અને ૧૫માં આવેલ વોંકળાની સફાઈ કરવામાં આવી હતી.મ્યુનિ.સૂત્રોએ જણાવ્યું હતું કે પૂર્વ ઝોનના વોર્ડ નં.૧૫ ચુનારવાડ શેરી નં ૧ અને ૩ માણસો દ્રારા વોકળા સફાઈ, વોર્ડ નં.૧૫ ચુનારવાડ શેરી નં ૪, વોર્ડ નં.૪ ધોળકિયા સ્કૂલ અને ભાગવતીપરા વિજયા હનુમાનજી પાસે, વોર્ડ નં.૫માં માલધારી સોસાયટી વાસંગી દાદાના મંદિર પાસે, વોર્ડ નં.૪ ચામુંડા સોસાયટી, સદગુ આશ્રમ સામે જેસીબી અને ટ્રેકટર દ્રારા વોકળા સફાઈ કામગીરી કરવામાં આવી હતી.

મધ્ય ઝોનના વોર્ડ નં.૨ હરિહર ચોક જે.સી.બી. ડમ્પર દ્રારા વોકળા સફાઈ, વોર્ડ નં.૭ મનહર પ્લોટ ૭ વોકળા સફાઈ, વોર્ડ નં.૭ જનકલ્યાણ હોલ પાછળ નાલામાં વોકળા સફાઈ, વોર્ડ નં.૧૪ પારડી રોડ વોકળાની સફાઈ કરવામાં આવી હતી.પશ્ચિમ ઝોનના વોર્ડ નં.૧૦ ગુજીનગર આવાસ પાસે તથા સરકારી કર્મચારી સોસાયટી પાસે મેન્યુલ તથા જેસીબી ડમ્પર દ્રારા વોકળા સફાઈ કામગીરીકરવામાં આવેલ હતી.
મ્યુનિસિપલ કમિશનર આનદં પટેલ તથા નાયબ કમિશનર સ્વપિનલ ખરેની સુચના અનુસાર રાજકોટ શહેરમાં આવેલ તમામ હયાત વોકળાઓની સફાઈ કામગીરી કરવામાં આવી હતી. જે અંતર્ગત પર્યાવરણ ઇજનેર અને લગત ઝોનના નાયબ પર્યાવરણ ઇજનેર અને સોલીડ વેસ્ટ મેનેજમેન્ટ શાખાની ટીમ દ્રારા કામગીરી કરવામાં આવી હતી